«Memlekettik bıýdjettiń shyǵystary - 97,3, respýblıkalyq bıýdjettiń shyǵystary – 99, jergilikti bıýdjetterdiń shyǵystary 94,5 paıyzǵa atqaryldy. Respýblıkalyq bıýdjet boıynsha somasy 2 trln 510 mlrd teńgege shyǵystar júrgizildi. Atqarylmaý 25 mlrd teńgeni qurady. Onyń ishinde 13 mlrd teńge - únemdeý. Igerilmegeni - 12 mlrd. teńge», dedi 2021 jyldyń qańtar-aqpanyndaǵy respýblıkalyq bıýdjettiń oryndalýy jaıynda baıandaǵan mınıstr.
Onyń dereginshe, ıgerilmegen neǵurlym iri soma Qorǵanys, Eńbek jáne halyqty áleýmettik qorǵaý, Densaýlyq saqtaý, Ádilet jáne Mádenıet jáne sport mınıstrlikterinde qalyptasyp otyr.
«Igerilmeýdiń negizgi sebepteri: konkýrstyq rásimderdi uzaq ýaqyt ótkizý jáne ýaqtyly ótkizbeý, tólem jónindegi qujattardy uzaq kelisý, oryndalǵan jumystar aktilerin ýaqtyly usynbaý, naqty kórsetilgen qyzmetter kólemi, oryndalǵan jumystar úshin aqy tóleý, sharttar men qosymsha kelisimderdi qazynashylyq organdaryna tirkeýge kesh usyný», dedi ol.
Sonymen qatar mınıstr dereginshe, jergilikti bıýdjetterdiń shyǵystary 853 mlrd teńgeni qurady. Atqarylmaǵany - 49 mlrd teńge.
«Osy jyly óńirlerge 1,9 trln teńge somasynda nysanaly transfertter kózdelgen. Olarǵa 1 naýryzǵa deıin 211 mlrd teńge bólingen. Onyń 95,1 paıyzy ıgerilgen. Atqarylmaǵany – 10 mlrd teńge, onyń ishinde 1 mlrd teńge – únemdeý, 9 mlrd teńge ıgerilmedi. Eń kóp ıgerilmeý Mańǵystaý oblysy, Nur-Sultan qalasynda, Túrkistan, Batys Qazaqstan jáne Pavlodar oblystarynda qalyptasty», dedi Erulan Jamaýbaev.
