Vaksınasııa №1,3 jáne 6 qalalyq emhanalar bazasynda júrgizilýde.
Búgin №6 qalalyq emhanada Qyzylorda qalalyq polısııa basqarmasynyń basshylary bastaǵan jeke quramy «Spýtnık V» vaksınasyn saldyra bastady.
Birinshi kezekte ekpeni ýchaskelik polısııa ınspektorlary saldyrdy, sebebi olardyń basty qyzmeti halyqpen tyǵyz qarym-qatynasta, tikeleı baılanysta bolý.
Ýchaskelik ınspektor, polısııa aǵa leıtenanty Bekjan Ahmetov jáne polısııa kapıtany Bolat Erkebulan alǵashqylardyń biri bolyp vaksına saldyrýǵa nıet bildirgen. Áńgime barysynda olar ekpeniń qajettiligin túsinetindikterin atap ótti. О́ıtkeni, aınalasyndaǵylardyń densaýlyǵy mańyzdy. Vaksınasııadan keıin polısııa qyzmetkerleriniń jaǵdaıy dárigerlerdiń baqylaýynda bolady. Barlyq qyzmetkerlerdiń jaǵdaıy turaqty.
«Koronavırýsqa qarsy vaksınasııa bastalǵanyn habarlaǵan kezde men ony birden alǵym keletinin aıttym. Biz, polıseıler, sondaı-aq medısına qyzmetkerleri azamattarmen tyǵyz baılanysta jumys isteımiz. Biz kún saıyn halyqpen tyǵyz qarym-qatynasta jumys jasap, kúni-túni aldyńǵy sheptemiz. Vaksına alý meniń densaýlyǵyma ǵana emes, aınalamdaǵylardyń saýlyǵy úshin de qajet», dep óz pikirin bildirdi Qyzylorda qalalyq Polısııa basqarmasy bastyǵynyń orynbasary, polısııa polkovnıgi Sáken Bóribaev.
