Murat Áıtenov kezdesý barysynda Tájikstan men Qazaqstannyń tereń tarıhy men uqsas dástúrleri tyǵyz qarym-qatynas ornatýda asa mańyzdylyqqa ıe ekenin aıtty. Murat Áıtenov kezdesý barysynda Tájikstan men Qazaqstannyń tereń tarıhy men uqsas dástúrleri tyǵyz qarym-qatynas ornatýda asa mańyzdylyqqa ıe ekenin aıtty.
- О́tken jyly TMD-nyń mádenı astanasy estafetasyn Dýshanbe qalasyna berdik. Sımvol retinde 2200 kitap pen qyzǵaltaq, onymen qosa qala turǵyndarynyń da ystyq yqylas qaǵazdaryn usyndyq. Bizdiń qarym-qatynastarymyz árdaıym ózara tıimdi yntymaqtastyq arnasynda boldy jáne saıası, saýda-ekonomıkalyq, ǵylymı-tehnıkalyq jáne ózge de salalarda tabysty damyp keledi. Shymkent megapolıs statýsyn alǵaly qarqyndy damý jolyna baǵyt aldy. Agro aımaqtar, logıstıkalar qurylyp jatyr. Bizdiń basty maqsatymyz - qalamyzdy halyq ómirine qolaıly jáne bıznes júrgizýge yńǵaıly megapolıske aınaldyrý. Oǵan qol jetkizý úshin Ortalyq Azııadaǵy áriptesterimizben jemisti yntymaqtastyqty jalǵastyrýǵa múddelimiz, - dedi shahar basshysy.
О́z kezeginde Haırýllo Ibodzoda Shymkentte tájik ulttyq dámhanasyn, saýda oryndaryn salý jóninde usynysyn bildirdi.
Aıta ótsek, 2019 jyly Qazaqstan men Tájikstan arasyndaǵy ekijaqty saýda kólemi $957 mln. AQSh dollaryn quraǵan. Sonymen qatar, Qazaqstan men Tájikstan arasyndaǵy avtomobıl kóligimen eksporttyq-ımporttyq tasymaldaý kólemi jyl saıyn ósip, 16,9 mln tonnaǵa jetken.
Kezdesý sońynda eki tarap tyǵyz qarym-qatynas ornatýǵa kelisip, estelik syılyqtar usyndy.
