«2021 jyldyń 1 aqpanynan bastap vaksınasııanyń 1 kezeńin aıaqtadyq. 1 624 medısına qyzmetkeri SPÝTNIK-V preparatynyń eki komponentin aldy. Vaksınanyń ekinshi kezeńi naýryz aıynda bastaldy, Almaty qalasyna qosymsha 10 800 doza jetkizildi. Vaksınasııalaý boıynsha qalalyq. 39 emhana qatysady. Alǵashqy aptada «qaýipti aımaqtyń» medısına qyzmetkerleri vaksınasııadan ótti. 10 aqpanda quqyq qorǵaý organdarynyń qyzmetkerlerine jáne muǵalimderge vaksına salyna bastady. Búgingi kúnge deıin 33 alǵashqy medısınalyq-sanıtarlyq kómek uıymynda ıaǵnı, quqyq qorǵaý organdarynyń qyzmetkerleri – 658, al bilim salasyndaǵy 310 pedagogqa vaksına salyndy», dep habarlady ol.
Spıkerdiń aıtýynsha, Naýryz meıramynan keıin stýdentterge jáne basqa adamdarǵa 16 myńnan astam doza vaksına alynady.
Elvıra Ibragımova antıdeneler týraly suraqqa da jaýap berdi.
«Antıdeneler 42-shi kúni túziledi. Klınıkalyq zertteýler júrgizilýde. О́ndirýshiniń aqparaty boıynsha ımmýnıtet bir jyldan eki jylǵa deıin saqtalady. Eger adam aýyryp-jazylǵan bolsa, onda oǵan saýyqqannan keıin alty aıdan keıin ekpe salýǵa bolady», dep túsindirdi ol.
Sonymen qatar, spıker vaksınanyń qorǵanysy joǵary jáne tipti, eger juqtyrǵan bolsa, aýrý vaksınasııalanbaǵan adamdarǵa qaraǵanda jeńil túrde ótetinin basa aıtty. Degenmen, betperde kııýdi jalǵastyrý jáne áleýmettik araqashyqtyqty saqtaý qajet.
«Bul ınfeksııa biz úshin jańa ekenin eskere otyryp, vaksınasııadan keıin betperde kııýdi jáne barlyq aldyn alý sharalaryn saqtaýdy usynamyz», dedi ol.
