«Byltyrǵy 28 naýryzdan bıylǵy 11 naýryzdy qosa alǵanda koronavırýs ınfeksııasyn juqtyrǵan 17 582 derek tirkeldi. Onyń ishinde qaýipti vırýsqa shaldyqqan 14 jasqa deıingi 662 bala bar. Sondaı-aq 18 jasqa tolmaǵan 300 jasóspirimde de koronavırýs anyqtaldy», dedi Mádenıet Tanaýov.
Bas sanıtar dáriger óńir turǵyndaryn epıdemıologııalyq ahýal turaqtaǵanǵa deıin adamdar kóp shoǵyrlanatyn jerge barmaýǵa shaqyrdy. Áli de áleýmettik qashyqtyqty, medısınalyq maska kııý rejımin saqtaý qajet.
«Elimizdiń batys aımaǵynda 14 naýryzda Kórisý bastalady. Bul kúni jasy úlken adamdarǵa baryp kórisý dástúri bar. Al qarııalar vırýs juqtyrý qaýpi mol topqa jatady. Kópshiliginiń sozylmaly syrqaty bolýy múmkin. Sol sebepten, Kórisý men Naýryz merekesinde úlkenderdi telefonmen, vıdeoqońyraý arqyly quttyqtaǵan jón. Bul qaýipti vırýstyń taralmaýyna septigin tıgizedi», deıdi bas sanıtar dáriger.
