KVI-ge qatysty epıdemııalyq ahýal Almatyda bıylǵy jyldyń 2 naýryzynan bastap baǵalaý matrısasynyń «sary» aımaǵyna, al 10 naýryzdan bastap «qyzyl» aımaǵyna ótip, kúrdelene tústi. Epıdemııa bastalǵannan beri koronavırýstyq ınfeksııanyń 27 361 jaǵdaıy (100 myń turǵynǵa shaqqanda 1 344,7), sondaı-aq 1666 koronavırýstyq pnevmonııa tirkeldi.
KVI aýrýynyń ósýi 3 naýryzda bastaldy, sol kezde táýligine 121 aýrý tirkelip, 13 naýryzda kúnine 360 jaǵdaıǵa jetti. Sonymen qatar PTR analızderiniń sany ótken aımen salystyrǵanda táýligine 5100-den táýligine 6058 deıin ósti. Onyń ishinde aqyly negizde jeke zerthanalarda 2400-den 3482-ge deıin adam ózderi kelip, test tapsyrdy.
13 naýryzda anyqtalǵan 360 koronavırýstyq ınfeksııanyń 359-y jergilikti, 1-i Ystambuldan ákelingen. 269-y sımptomatıkalyq, al 91-i sımptomsyz. Búgingi kúni juqpaly aýrýlar aýrýhanalarynda 1287 adam (57 bala) jatyr, onyń 14-i óte aýyr, 131-i aýyr, 1142-i ortasha aýyrlyq dárejesinde. О́JJ-de 7 naýqas jatyr, ınvazıvti emes О́JJ-de jatqandary – 19 naýqas.
Sońǵy 7 kúnde aýrý deńgeıi 61,2 qurady, reprodýktıvti sany R – 1,3. О́tken táýlikte KVI-men 360 jaǵdaı tirkeldi.
Naýryzda KVI epıdemııasynyń damý dınamıkasynda aqpan aıynda turaqtanǵannan keıin aýrýdyń ósý tendensııasy baıqalady. Máselen, aqpannyń birinshi aptasynda 770 oqıǵa, ekinshi – 740, úshinshi – 721, tórtinshi – 714 jaǵdaı tirkeldi. Naýryzdyń birinshi aptasynda 923 jaǵdaı tirkeldi, 8-13 naýryz aralyǵynda – 1365 jaǵdaı.
Epıdemııalyq zertteýler ınfeksııanyń naqtyly jáne yqtımal oshaqtaryn anyqtady. Demek, aýrý otbasy múshelerinen – 36%, eńbek ujymdarynan – 6%, jaısyz elderge barǵan sheteldik saparlardan – 2%.
Yqtımal juqtyrý oryndary qoǵamdyq oryndar bolyp tabylady (kommýnaldyq mekemeler, halyqqa qyzmet kórsetý ortalyqtary, saýda obektileri, emhanalar men medısınalyq ortalyqtar) – 42,8%; qoǵamdyq kólikter – 17%; otbasylyq sharalar – 3%.
Almaty qalasy Sanıtarlyq-epıdemıologııalyq baqylaý departamenti basshysynyń orynbasary Ásel Qalyqovanyń aıtýynsha, naýryz aıynda KVI ósýiniń sebebi – qala turǵyndarynyń arasynda áleýmettik baılanystyń artýy, qala mańyndaǵy turǵyndardyń qoǵamdyq oryndarǵa barýmen baılanysty kóshi-qony (42,8%). Sonymen qatar qoǵamdyq kólikterde jáne qoǵamdyq oryndarda juqtyrǵan adamdardan juqpanyń otbasy múshelerine tizbekti túrde berilýi jaǵdaıdyń nasharlaýyna áser etti (36% otbasylarda juqtyryldy).
Mektepterde 1-5 synyptardan bastap oqýdyń bastalýyna baılanysty 14 jasqa deıingi balalar aýrýynyń 22,4%-ǵa ósýi tirkeldi – sońǵy 7 kúnde 138-den 169 jaǵdaıǵa deıin.
Sonymen qatar, KVI ósýine sımptomsyz naýqastardyń ózin-ózi oqshaýlaý rejımin buzatyn jaýapsyz minez-qulqy yqpal etedi. KVI juqtyrǵandardy mekenjaılaryna baryp teksergen kezde mynalar anyqtaldy, 76 naýqas jáne olarmen baılanysta bolǵandar karantın rejımin buzǵan jáne úılerinde bolmaǵan, al baılanysta bolǵan 7 adam jumysta bolǵan.
Osyǵan baılanysty Almaty qalasy sanıtarlyq-epıdemııalyq baqylaý departamentiniń mamandary megapolıs turǵyndaryn baılanystardy shekteýge jáne sanıtarlyq qaýipsizdik sharalaryn qatań saqtaýǵa shaqyrady. Bul maska kııý, qoldy antıseptıkpen emdeý, qoǵamdyq oryndarǵa barǵanda áleýmettik araqashyqtyqty saqtaý.
«Osy usynystar saqtalmaǵan jáne mereke kúnderi baılanystar kóbeıgen jaǵdaıda, KVI jaǵdaıynyń kúrt shıelenisýi jáne aýrýlardyń sanynyń ósýi múmkin. Nátıjesinde juqpaly aýrýlar aýrýhanalaryna júkteme artyp, kásiporyndar men uıymdarda karantındik sharalar kúsheıtiledi. Jaǵdaıdyń nasharlaýyna jol bermeý bizdiń ortaq múddemiz. Barlyǵyna jaýapkershilik ári saqtyq tanytý, týystary men dostaryna sanıtarlyq qaýipsizdik erejelerin saqtaý qajettigin eskertý qajet. Bul bizdiń bir-birimizdi qorǵaýdyń, densaýlyǵymyzdy saqtaýdyń jalǵyz joly», dedi Almaty qalasy Sanıtarlyq-epıdemııalyq baqylaý departamenti basshysynyń orynbasary A. Qalyqova.
