CBS arnasynan taratylǵan eki saǵatqa sozylǵan suhbat barysynda birqatar taqyryptyń basy shalyndy. Eń aldymen, Megan Markl saraıdaǵylar olardyń birinshi uly Archıge hanzada tıtýly berilmeıtinin, sáıkesinshe kúzet te taǵaıyndalmaıtynyn aıtyp eskertkenimen bólisti. Gersogınıanyń oıynsha, bul – burynnan kele jatqan dástúrdi buzý.
«Olardyń ondaı quqy joq. Meniń oıymsha, bul onyń násiline qatysty sheshim boldy. Sondyqtan basqa nemerelerinen bólek erejelerge baǵynýǵa tıis-ti», dedi Megan. Degenmen Sasseks gersogy bul taqyrypqa qatysty eshteńe ashyp aıtpady. «Men bul taqyrypqa qatysty eshteńe aıtpaımyn. Alaıda, meni birqatar BAQ ulymyzdyń násiline qatysty áńgime aıtqanda otbasymnyń buǵan qatysty esh pikir bildirip, bizdi qoldamaǵany qynjyltady. Tipti Parlamenttiń 70 múshesi pikirin bildirgende, otbasym únsiz qaldy», dedi Garrı.
Basylymdar bul suhbattan keıin ekige bólindi. Biri Megannyń sýısıdke áreketin estigennen keıin Patshaıym otbasyǵa Dıana qatysty oqıǵadan esh sabaq túımegenin aıtsa, ekinshileri kerisinshe Megandy synǵa aldy.
Suhbat Patshaıym otbasyna qatysty pikirdi ózgerteri anyq. О́ıtkeni Garrı týystaryn salqyn ári meıirimsiz, tek materıaldyq qundylyqqa qunyqqan adamdar retinde sýrettegen.
Birneshe kúnnen keıin Kembrıdj gersogi Ýılıam inisi Garrıdiń suhbatyna qatysty málimdeme jasady. Otbasynyń násildik alalaýdan aýlaq ekenin, inisimen mindetti túrde sóılesetinin habarlaǵan. Bul jaıtqa bıliktegiler de beıjaı qaramaı, depýtattar men mınıstrler tergeý júrgizilý kerektigin aıtty.
