Saýran aýdanynyń ákimshilik ortalyǵy – Shornaq aýyly bolady. Kentaý qalasynyń quramynan Shaǵa, Jańa Iqan, Eski Iqan, Úshqaıyq, Iassy, Oranǵaı, Qarashyq, Júınek, Babaıqorǵan, Shornaq, Jibek joly, Maıdantal aýyldyq okrýgteri shyǵarylyp, Saýran aýdanyna ótedi. Jarlyqtyń tolyq mátinin usynamyz:
* * *
Túrkistan oblysynyń ákimshilik-aýmaqtyq qurylysyndaǵy ózgerister týraly «Qazaqstan Respýblıkasynyń ákimshilik-aýmaqtyq qurylysy týraly» 1993 jylǵy 8 jeltoqsandaǵy Qazaqstan Respýblıkasy Zańynyń 9-babyna sáıkes QAÝLY ETEMIN:
1. Túrkistan oblysynyń quramynda ákimshilik ortalyǵy Shornaq aýylynda ornalasatyn Saýran aýdany ákimshilik-aýmaqtyq birligi Kentaý qalasynyń quramynan Shaǵa, Jańa Iqan, Eski Iqan, Úshqaıyq, Iassy, Oranǵaı, Qarashyq, Júınek, Babaıqorǵan, Shornaq, Jibek joly, Maıdantal aýyldyq okrýgterin bólý jolymen qurylsyn.
2. Qazaqstan Respýblıkasynyń Úkimeti osy Jarlyqtyń 1-tarmaǵyn iske asyrý jóninde qajetti sharalar qabyldasyn.
3. Osy Jarlyq alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Prezıdenti Q.Toqaev
Nur-Sultan, Aqorda
2021 jylǵy 12 naýryz № 534
