Bul jaıynda atalmysh syılyqtyń Twitter paraqshasynda habarlandy. Ol tórt úmitkerdiń ishinen qara úzip shyqqan. Keıinnen reperdiń ózi Instagram paraqshasynda vıdeo jarııalady. Syılyqty alǵan sátinde ol eń aldymen ata-anasyna, komandasyna, menedjerine jáne osy syılyqqa laıyq dep tapqan Grammy qazylaryna alǵysyn jetkizedi.
«Ár mýzykanttyń karerasyndaǵy eń keremet sát - Grammy syılyǵyn ıelený. Biz osy jetistikke qol jetkizdik!», dep jazady Imanbek Zeıkenov.
Taıaýda kópshilikke dıdjeı retinde tanylǵan jerlesimiz Imanbek Rita Ora jáne David Guetta sııaqty álemge áıgili mýzykanttarmen birge án jazǵan bolatyn. Aıta keteıik, Roses remıksimen álemdik mýzyka charttarynda sýyrylyp alǵa shyqqan Imanbek Zeıkenov ata-anasymen birge Pavlodar oblysynyń Aqsý qalasynda turady.
О́ziniń aıtýynsha, ol án árleýdi jergilikti dıdjeıler men prodıýserlerden jáne Youtube jelisindegi vıdeosabaqtan úırengen. О́tken jyldyń jeltoqsanyna deıin ol jergilikti temir jol stansasynda jumys istedi. 2019 jyldyń jazynda Imanbek Saint Jhn atty reperdiń Roses atty ánin taýyp, soǵan remıks jazýdy qolǵa alady.
Bul kompozısııa úsh jyl buryn shyǵyp qoıǵan. Imanbek ánge remıks jazyp, ony áleýmettik jelige jarııalady. Arada birneshe aı ótkende ol pop juldyzǵa aınaldy. Tipti, Amerıkanyń The New York Times gazetinde Imanbek jaıly maqala da jarııalandy.
