Almaty qalasy qazir epıdemııalyq jaǵdaı boıynsha "qyzyl aımaqta" tur. Sońǵy táýlikte megapolıste koronavırýs ınfeksııasyn juqtyrýdyń 342 jańa jaǵdaıy tirkeldi. Pandemııamen kúres aıasynda qalada halyqty vaksınalaý jumystary belsendi júrgizilip jatyr. Birinshi kezeńde dárigerler men medısına qyzmetkerlerinen 1750 adam vaksınalandy. Ekinshi kezeńde ekpeni 3300 medısına qyzmetkeri, 955 polısııa qyzmetkeri men 523 muǵalim aldy.
Medısına ǵylymdarynyń doktory, S.Asfendııarov atyndaǵy QazUMÝ juqpaly jáne tropıkalyq aýrýlar kafedrasynyń professory Ravılıa Egemberdıeva О́ńirlik kommýnıkasııalar qyzmetinde bergen suhbatynda vaksınanyń joǵary ımmýnogendik áleýeti bar ekenin, onyń koronavırýstyq ınfeksııaǵa qarsy antıdeneler shyǵaratynyn atap ótti.
Naýqastan alynǵan antıdeneler men vaksınadan alynǵan antıdenelerdiń aıyrmashylyǵy nede? Vaksınalaýdyń antıdeneleri tabıǵı antıdenelerden qansha ese kúshti?
Koronavırýstyq ınfeksııadan keıin ımmýnıtet qalyptasady, biraq ol uzaqqa sozylmaıdy – qaıtadan aýyrǵan jaǵdaılar bar. Koronavırýs ınfeksııasyn juqtyrǵandar 3 aıdan keıin qaıta aýrýy múmkin. Sondyqtan men ınfeksııadan keıin ımmýnıtettiń qanshalyqty uzaq ekenin aıta almaımyn jáne ony ǵalymdar da áli naqty aıta almaı otyr, biraq eń az kezeń – 3 aı. Qazaqstan aýmaǵynda qoldanylatyn Spýtnık V vaksınasy aǵzany 1 jylǵa deıin ımmýnıtetpen qamtamasyz etedi. Qazir Reseıde jasalǵan basqa vaksınalar belgili jáne ǵalymdardyń aıtýynsha, bul vaksınalar 3 jylǵa deıin ımmýnıtetti qamtamasyz etedi, biraq meniń oıymsha, ımmýnıtettiń qanshalyqty uzaq saqtalatyny tek vaksınalaý júrgizgennen keıin naqty belgili bolady.
Qalada vaksınalalý josparly túrde júrgizilip jatyr. Sonda qala turǵyndary betperdesiz júre ala ma? Karantındik sharalardyń mańyzdylyǵyn taǵy da túsindirip berińizshi.
Aıta ketý kerek, halyqty vaksınalaýdyń tek 70%-y tıimdi dep sanalady jáne koronavırýstyq ınfeksııa aýrýynyń tirkelýin toqtatýǵa yqpal etedi, álem vaksınalaýdyń mundaı deńgeıine áli jetken joq. Qazaqstan Respýblıkasynda ózińiz bilesiz, vaksınalaý tek 1 aqpannan bastaldy jáne biz vaksınalaýdy tolyq qamtamasyz etpedik. Sondyqtan betperde rejımi, 1,5 metrlik qashyqtyq sııaqty epıdemııaǵa qarsy sharalardy qatań saqtaý qajet. Aıta keterligi, 2 vaksına ekpesin alǵan tulǵalardyń epıdemııaǵa qarsy sharalardy taǵy 14 kún saqtaýy tıis ekendigin atap ótkim keledi.
Búgingi epıdemııalyq jaǵdaıdy eskere otyryp, qala turǵyndaryna usynystar.
Epıdemııalyq jaǵdaı únemi ózgerýde. Búgingi tańda Almaty qalasy "qyzyl aımaqta", bul halyqtyń qaıtadan bosańsyp, koronavırýstyq indetten qutyldyq dep oılaıtynyn bildiredi. Men ınfeksıonıst retinde koronavırýstyq ınfeksııamen aýyratyn naýqastar áli de kóp ekenin, onyń ishinde aýyr halde jatqandar bar ekenin, derttiń asqynýy ólimmen aıaqtalǵan jaǵdaılar da bar ekenin málimdeımin. Bizdiń elimizdiń azamattaryna júgine otyryp, ótine otyryp suraıtynym – betperde taǵyńyzdar, qoldaryńyzdy muqııat jýyńyzyzdar, qashyqtyqty saqtańyzdar, aýrýdyń alǵashqy belgileri paıda bolǵan kezde dereý jergilikti dárigerge habarlasyńyzdar.
Búgingi tańda bul aldyn-alý sharalary tıimdi ádis bolyp tabylady jáne, árıne, vaksınasııanyń róli zor, biz oǵan úlken úmit artamyz, dedi.
