Taraptar densaýlyq saqtaý salasyndaǵy ekijaqty yntymaqtastyq máselelerin talqylap, aldaǵy birlesken jospardy aıqyndady, sondaı-aq Covid-19 koronavırýs ınfeksııasyna qarsy vaksınoprofılaktıka jáne halyqtyń sanıtarlyq-epıdemıologııalyq salaýattylyǵy boıynsha tájirıbe almasty.
«Aldymen densaýlyq saqtaý salasyndaǵy ekijaqty yntymaqtastyqtyń mańyzdylyǵyn atap ótkim keledi. Covid-19 qarsy kúresip kele jatqanymyzǵa da bir jyl boldy. Qazir memleketterdiń bir-birine qoldaý kórsetýi asa qajet. Búkil álemge taralǵan pandemııany biz birikkende ǵana jeńe alamyz», - dedi A.Soı.
Densaýlyq saqtaý mınıstri Qazaqstan Respýblıkasynyń ekonomıkalyq turaqtylyqty qamtamasyz etý jáne ınfeksııanyń taralýyna qarsy is-qımyl, sondaı-aq halyqty COVID-19-ǵa qarsy vaksınasııalaý boıynsha atqarǵan jumys jaıly habardar etti.
«2021 jyldyń 11 naýryzyna QR boıynsha elektrondyq tirkeý júıesiniń monıtorıng derekteri boıynsha birinshi kezekte 50 737 adam egý saldyrdy. Sonymen qatar, respýblıka boıynsha 41 829 medısına qyzmetkeri, 5 392 pedagog, 1 156 kúsh qurylymdarynyń qyzmetkeri, 445 ýchaskelik polısııa qyzmetkeri jáne 174 medısınalyq-áleýmettik mekemelerdiń personaly vaksınasııalandy. Ekinshi kezeńde - 18 210 adam. Negizinen aqpanda alǵashqy doza qabyldaǵan medısına qyzmetkerleri egildi. Vaksınalaý kezeń-kezeńimen júrgiziledi», - dedi A.Soı.
Monıtorıng málimetine sáıkes ımmýndaýdan keıin jaǵymsyz jaǵdaı tirkelgen joq. Bul rette, vaksınasııalanǵan adamdardyń 1% - ynda kútiletin reaksııalar tirkeledi, olar vaksınaǵa nusqaýlyqta sıpattalǵan, mysaly, dene qyzýynyń kóterilýimen tumaýǵa uqsas jaı-kúıler, jalpy álsizdik, sondaı-aq vaksınany engizý ornynda isiný jáne qyzarý túrindegi jergilikti kórinister.
Sonymen qatar, Covid-19 taralýyna baılanysty saqtalyp otyrǵan turaqsyz jaǵdaıdy eskere otyryp, A.Soı aǵymdaǵy epıdemıologııalyq ahýal jáne ony turaqtandyrý boıynsha júrgizilip jatqan sharalar boıynsha turaqty aqparat almasý túrinde Túrikmenstanmen áriptestikti jalǵastyrýdy usyndy.
Sonymen qatar, densaýlyq saqtaý salasyndaǵy ekijaqty yntymaqtastyqtyń mańyzdylyǵyn eskere otyryp, QR Densaýlyq saqtaý mınıstri medısınalyq uıymdardy, IT-tehnologııalardy, jedel járdem, MSAK jáne medısına ǵylymyn akkredıtteýde konsýltatıvtik jáne tehnıkalyq kómek kórsetý, QR medısınalyq uıymdarynda Túrikmenstan azamattary úshin joǵary tehnologııalyq medısınalyq qyzmetter kórsetý boıynsha áriptestikti jalǵastyrýdyń mańyzdylyǵyn atap ótti. Sondaı-aq túrikmen medısına qyzmetkerleri úshin medısınalyq mamandyqtar boıynsha biliktilikti arttyrý kýrstaryn uıymdastyrý da sóz boldy.
Kezdesý sońynda taraptar densaýlyq saqtaý salasyndaǵy yntymaqtastyqtyń mańyzdylyǵyn taǵy bir ret atap ótti jáne COVID-19 taralýynyń aldyn alýda elderdiń tájirıbesin paıdalanýǵa senim bildirdi.
