Hımııa-bıologııa baǵytynda shákirt tárbıeleıtin oqý ordasy baspasóz qyzmetiniń aqparatyna qaraǵanda, mektep oqýshysy Nıý-Iork shtatynda ornalasqan Kornell ýnıversıtetin tańdap otyr.
– Bul – álemdegi eń iri ári bedeldi ýnıversıtettiń biri. Segiz jekemenshik ýnıversıtetten quralǵan áıgili «Shyrmaýyqtar lıgasyna» kiredi. Sol sebepten, osy oqý ordasynan tamaq ónerkásibi salasynda joǵary bilim alýdy kózdedim, – deıdi Baqyt О́teýlıeva.
Oqýshynyń aıtýynsha, joǵary oqý ornyn tańdaýyna birneshe sebep bar. Birinshisi – oqý orny usynatyn baǵdarlamalar men múmkindikter. Ekinshisi – bolashaq mamandyǵyna qatysty oqytý ádisi.
– О́ıtkeni, maǵan tek sapaly bilim ǵana emes, tulǵa retinde de qalyptasý kerek. Sondaı-aq óz qabiletimdi jetildirip, keıin jumysqa ornalasýdyń mańyzy zor. Osy turǵydan aıtqanda, Kornell ýnıversıteti taǵam ónerkásibi salasyna bilikti mamandar daıarlaıtyn úzdik oqý ornynyń biri sanalyp otyr. Bul ýnıversıtette stýdentterdiń óz áleýetin tolyq jetildirýine jaqsy jaǵdaı jasalǵan, – deıdi bıyl mektep bitiretin oqýshy.
Atyraý oblysy
