2020 jyly ǵylymı jobalar boıynsha 5 konkýrs ótkizildi. Ǵylymdy ákimshilendirý júıesi jetildirilip, jobalardan kútiletin nátıjelerge qoıylatyn talaptar arttyryldy.
Jas ǵalymdardy qoldaýǵa da erekshe kóńil bólinip otyr.
«Biz ǵalymdardyń taǵylymdamadan ótýi úshin 500 grant bólý týraly tapsyrma sheńberinde jumysty uıymdastyramyz. Sonymen qatar QR Prezıdenti Ulttyq qoǵamdyq senim keńesi otyrysynda jas ǵalymdarǵa keminde 1000 ǵylymı grant bólýdi tapsyrdy. Qarjylandyrý bar, jumys júrgiziletin bolady. Jas zertteýshilerge qoldaý kórsetý úshin biz ǵylymı granttarǵa konkýrstar jarııalaý kezinde arnaıy kvota engizdik. Qazir biz jas ǵalym áıelderdiń sanyna qatysty da dál osyndaı kvotany engizemiz dep sheshim qabyldadyq. Bul týraly bizdiń ǵalym áriptesterimizben kezdesýlerde birneshe márte aıtylǵan bolatyn», dedi mınıstr Ashat Aımaǵambetov.
