Aıtýly sharaǵa qatysýǵa QR BǴM-niń jáne aımaqtyq bilim basqarmalarynyń ókilderi, «Bóbek» UǴBBSO-nyń qyzmetkerleri, sheteldik seriktester, ǵalymdar, mektepke deıingi bilim berý men orta bilim berý mekemeleriniń, TjKB jáne joǵary oqý oryndarynyń basshylary men ózin-ózi taný pániniń muǵalimderi, ata-analar men stýdentter shaqyryldy.
Forýmda sóıleıtin qatarynda «Bóbek» UǴBBSO-nyń bas dırektory Elena Sákenova, «AÚDUI» KEAQ prezıdentiniń mindetin atqarýshy Irına Kalacheva, «Ata-analar qamqorlyǵy» halyqaralyq qozǵalysynyń tóraıymy hımııa ǵylymdarynyń kandıdaty Klara Mansýrova (Reseı), Daǵystan memlekettik pedagogıkalyq ýnıversıtetiniń túzetý pedagogıka jáne arnaıy psıhologııa kafedrasynyń meńgerýshisi, pedogogıka ǵylymdarynyń doktory, professor, RBBA korrespondent-múshesi, Djafar Mallaev (Reseı); jáne «О́zin-ózi taný» gımnazııasynyń dırektory Elena Loseva syndy ǵalym-ustazdar bar.
Sondaı-aq, Halyqaralyq Gýmandyq pedagogıka ortalyǵynyń prezıdenti, akademık Shalva Amonashvılı jáne «Bastı Býbý» balalarǵa arnalǵan mektepke deıingi mekemeniń sosıologi ári pedagogi Paata Amonashvılı kópshilik aldynda sóz alyp, ózderiniń mol tájirıbelerimen bólisedi. Bul azamattardyń ekeýiniń de psıhologııa ǵylymdarynyń doktory degen ǵylymı dárejeleri bar.
