Jańartylǵan reıtıngte Saýl Alvares kósh bastap tur. «Kanelo» degen búrkenshik esimmen tanylǵan 30 jastaǵy Meksıkanyń myqtysy osy kúnge deıin 58 jekpe-jek ótkizip, 55 ret jeńiske jetti. 37 qarsylasyn sulatyp saldy. Bir márte utylyp, taǵy eki kezdesýde teń tústi. Ekinshi orta salmaqta kúsh synasyp júrgen Alvares ústimizdegi jyldyń 27 aqpanynda AQSh-tyń Maıamı qalasynda ótken jarysta túrkııalyq Avnı Iyldyrymnyń tas-talqanyn shyǵaryp, óziniń myqtylyǵyp taǵy bir márte pash etti.
«Kanelony» amerıkalyq Errol Spens pen ulybrıtanııalyq Taıson Fıýrı ókshelep keledi. Qazirgi kezde ekeýiniń de qarqyny qatty. Amerıkalyq óren jartylaı orta salmaqa saıysqa túsip júrse, Tumandy Albıon eliniń ókili alyptarmen aıqasýda.
Sondaı-aq, «TOP-10» boksshynyń qatarynda Teofımo Lopes (AQSh), Naoıa Inoýe (Japonııa), Terens Kroýford (AQSh), Hýan Fransısko Estrada (Meksıka), Mennı Pakıao (Fılıppın), Aleksandr Ýsık (Ýkraına) jáne Kadzýto Ioka (Japonııa) syndy sańlaqtar bar.
Keshegi kúnge deıin úzdik ondyqtyń qatarynda júrgen 38 jastaǵy Gennadıı Golovkın bul joly 11-orynǵa syrǵyp tústi. Oǵan sebep, GGG-niń biraz ýaqyttan beri myqty boksshylarmen judyryqtaspaǵany. Sońǵy ret otandasymyz byltyrǵy jyldyń 18-jeltoqsanynda polshalyq Kamıl Shermetamen sheberlik baıqasyp, jetinshi raýndta jeńiske jetti.
