Búgin megapolıstegi óńirlik kommýnıkasııalar qyzmetiniń alańynda koronavırýsty ınfeksııa men vaksınasııa týraly Almaty qalasy qoǵamdyq densaýlyq Basqarmasynyń basshysy Narıman Tabynbaev jýrnalısterdiń saýaldaryna jaýap berdi.
Qazirgi tańda stasıonarlarda 1 239 adam (onyń ishinde 64 bala) emdelip jatyr. Eresek 13 naýqastyń jaǵdaıy óte aýyr, onyń ishinde 131-i aýyr, 1095 naýqastyń jaǵdaıy ortasha aýyrlyqta.
О́tken jyly Almatyda koronavırýsty ınfeksııamen kúres aıasynda KVI jáne pnevmonııamen aýyratyn naýqastardy qabyldaý úshin jetkilikti tósek-oryn qory jasaqtalǵan bolatyn. Bastapqy medısınalyq-sanıtarlyq kómek deńgeıinde 298 mobıldi brıgada quryldy, onda 948 qyzmetker jumys isteıdi. Bastapqy medısınalyq-sanıtarlyq kómektiń maqsaty – pasıentterdi ambýlatorııalyq deńgeıde monıtorıngteý, dıagnostıkalaý jáne emdeý.
Búgingi kúni qala boıynsha 7 011 ınfeksııalyq tósek-oryn, onyń ishinde 250 reanımasııalyq oryn bar.
Pandemııa bastalǵan ýaqytta Almatyda 500 tósek-oryn arnalǵan 2 ınfeksııalyq stasıonar jumys istedi. 2020 jyldyń shilde aıynda Almatynyń 27 medısınalyq uıymy KVI-men aýyratyn naýqastarǵa stasıonarlyq kómek kórsetti.
Sonymen qatar, Almaty qalasy Qoǵamdyq densaýlyq basqarmasynyń sheshimimen 280 tósek-orynǵa arnalǵan I.S.Jekenov atyndaǵy modýldik klınıkalyq juqpaly aýrýlar aýrýhanasy, sodan keıin 300 tósek-oryndy Balalar qalalyq modýldik klınıkalyq juqpaly aýrýlar aýrýhanasy men 500 oryndy RV-90 ınfeksııalyq aýrýhanasynyń ekinshi fılıaly paıdalanýǵa berildi.
– KVI jáne pnevmonııamen aýyrǵan pasıentterdi emdeıtin uıymdar medısınalyq ottegimen 100% qamtamasyz etilgen.
6 stasıonarda ottegi gazdandyrý stansııalary salyndy, biz taǵy 12 stansııany paıdalanýǵa berýge daıyndap jatyrmyz. Osylaısha, 1 deńgeıli ınfeksııalyq aýrýhanalardyń jansaqtaý jáne reanımasııa bólimshelerin ottegi jabdyqtarymen tolyq qamtamasyz etý júzege asyryldy.
Konservasııada aýyrlyǵy jeńil dárejedegi pasıentterdi emdeý úshin syıymdylyǵy 1000 pasıentke deıin qaıta jabdyqtalǵan «Halyq Arena» sport kesheni ornalasqan, – dedi Narıman Tabynbaev.
Bir jyldan keıin, pandemııa bastalǵaly beri Qoǵamdyq densaýlyq basqarmasynyń medısınalyq uıymdarynda tek KVI-men ǵana emes, basqa da aýrýlarmen aýyratyn naýqastardy emdeýge arnalǵan stasıonarlar, tósek-oryndary, jabdyqtar, dári-dármekter jáne mamandar sany jetkilikti.
