«Parlamenttik tyńdaýdyń taqyryby aıasynda alynyp otyrǵan negizi bes baǵyt: Táýelsizdik jáne tarıhı tanym; el men jer; til jáne ımandylyq; ulttyq dástúr jáne otbasylyq tárbıe; bilim men biliktilik talqylanady», dedi komıtet tóraǵasy Murat Baqtııaruly.
Tyńdaýǵa daıyndyq aıasynda birqatar mınıstrlikter men úkimettik emes uıymdardyń basshylyǵynyń, qoǵam men zııaly qaýym ókilderiniń qatysýymen 10-ǵa jýyq kezdesýler men otyrystar boldy. Onda fılologııalyq bilim berýdi reformalaý, kórkem ádebıet jáne mektep oqýlyqtaryn ázirleý, sırek kezdesetin kitaptar men qoljazbalardy sıfrlandyrý, mádenıet qyzmetkerleriniń jalaqysyn kóterý qajettigi, sonymen qatar jastar arasynda azamattyq jáne rýhanı, etnıkalyq jáne ulttyq biregeılikti nyǵaıtý ıdeıalaryn nasıhattaý máseleleri aıtyldy.
Senatorlar osyǵan deıin Úkimetke birqatar taqyryptyq saýaldar joldap, onda eldiń kitaphanalary men arhıvteriniń jaǵdaıy, oqýlyqtardyń memlekettik tilge aýdarylý sapasy jáne t.b.problemalardy kótergen bolatyn.
Osy jáne basqa da birqatar máseleler aldaǵy Parlamenttik tyńdaýda tolyǵyraq talqyǵa salynady, onyń nátıjesi boıynsha usynystar daıyndalatyn bolady. Odan keıin Úkimetke jiberiletin usynystar jahandaný dáýirinde ulttyq qundylyqtardy nasıhattaýǵa úles qosýy tıis.
Parlamenttik tyńdaýdyń tikeleı efırdegi kórsetilimin Qazaqstan Respýblıkasy Parlamenti Senatynyń resmı saıtynan http://senate.parlam.kz/kk-KZ/live siltemesi arqyly kóre alasyz.
