QR Sybaılas jemqorlyqqa qarsy qyzmeti janyndaǵy Respýblıkalyq arnaıy monıtorıngtik top tóraǵasynyń orynbasary - Rafael Gasanov óz sózinde epıdemııalyq jaǵdaı boıynsha Almatynyń «qyzyl aımaqqa» ótkenin eskere otyryp, monıtorıngtik toptar jumysynyń mańyzdylyǵyn atap ótti.
11 jáne 14 naýryz kúnderi Almatyda monıtorıngtik toptar 1500 nysandy tekserip, karantın rejımin buzýdyń 180 oqıǵasyn anyqtady. Zańdy tulǵalar men jeke tulǵalarǵa 8 mln teńgeden astam somaǵa hattamalar toltyryldy.
«Negizinen jumys rejımi, betperde rejımi buzylady, sondaı-aq kóptegen mekemelerde adamdar kóp jınalady. Infeksııany jappaı juqtyrý jaǵdaılaryna qaramastan, qala turǵyndary úılený toılaryn jalǵastyryp otyr Onda bastaryn qaýipke tigip, qart adamdar da keledi, al juqtyrǵan jaǵdaıda aýrý áldeqaıda aýyr bolady. Almatylyqtardy jaqyndaryna osyndaı qaýip tóndirmeýge shaqyramyn. Úılený toıynan nemese klýbta bolǵannan keıin 300 qatysýshynyń árqaısysy úıine oralady, jaqyn adamdarymen baılanysady, olarǵa juqtyrýy múmkin», dedi R.Gasanov turǵyndarǵa.
Rafael Gasanovtyń aıtýynsha, monıtorıng toptaryna kún saıyn juqtyrý oqıǵalarynyń kóbeıýi baıqalatyn birqatar aýdandarda baqylaýdy kúsheıtý boıynsha usynystar berilgen. Atap aıtqanda, bul Medeý, Almaly, Bostandyq jáne Áýezov aýdandarynyń monıtorıngtik toptarynyń jumysyna qatysty, bul aýdandarda kóńil kóterý sıpatyndaǵy nysanar kóp. Sondaı-aq, úı janyndaǵy saýda nysandaryn, dárihanalardy, SOO, SÚ, bazarlardy (baraholka), avto jáne TJ vokzaldaryn, áýejaıdy jáne qoǵamdyq kólikti tekserýdi kúsheıtý qajettiligi atap ótildi.
Shtab kún saıyn mobıldi operatorlardyń derekteri boıynsha azamattardyń jınalatyn oryndaryna taldaý jasaıtynyn atap ótti. Mysaly, adamdardyń kóp jınalýyn taldaýǵa sáıkes, jappaı is-sharalar negizinen Almaly, Bostandyq jáne Medeý aýdandarynda ótkiziledi. Sondyqtan atalǵan aýdandarda monıtorıngtik toptardyń sany ulǵaıtylyp, qalanyń ózge aýdandarynda 150 nysannyń ornyna 270 nysan qamtyldy. Jyl basynan beri barlyǵy 1067 tekserý is-sharasy ótkizildi, onyń barysynda 8420 nysan qamtyldy, karantındik sharalar buzylǵan 749 obekt anyqtaldy. Sotqa barlyǵy 58 materıal jiberildi.
Rafael Gasanov sondaı-aq sottardyń kásipkerlik sýbektileriniń karantındik sharalardy buzǵany jáne tıisti sharalar qabyldaǵany týraly materıaldardy qaraý rásiminiń uzaqtyǵyn atap ótti.
«Kásipkerlik sýbektilerine qatysty. Men ózim monıtorıngtik toptardyń quramynda karantındik sharalardyń saqtalýyn qaıta-qaıta tekserip otyramyn. О́kinishke qaraı, sot sheshimine qaramastan, kelýshiler men qyzmetkerlerdi juqtyrý qaýpine ıtermeleı otyryp, 300-400 adamdy jabyq ǵımaratta jınaýdy jalǵastyratyn birqatar qasaqana buzýshylar bar», - dedi Rafael Gasanov. - Osy alańdy paıdalana otyryp, bizdiń depýtattarymyzǵa jáne Ádilet mınıstrligine karantın sharalaryn júıeli túrde buzǵany úshin jazany qatańdatý múmkindigin qarastyrǵym keledi».
О́z kezeginde beıne-konferensııa-baılanys júıesi boıynsha baspasóz konferensııasyna qatysqan QR Parlamenti Májilisiniń depýtaty Irına Smırnova qoldaý bildirip, jazany qatańdatý boıynsha osy bastamany jazbasha resimdeýdi usyndy. Bul depýtattyq saýalǵa bastamashylyq etý úshin qajet.
«Densaýlyqtaryna qaýip tóngenine qaramastan, nysandardy tekseretin baqylaý toptaryna «raqmet» aıtqym keledi. Men qazir belgilengen sanıtarlyq normalardy qasaqana buzǵandardy jazalaý tásilderin qaıta qaraý kerek degen usynysyńyzdy jazbasha túrde negizdeýdi usynamyn», - dedi Irına Smırnova.
