Aıta keteıik, jalpy otyrysta «2005 jylǵy 25 qarashadaǵy Táýelsiz Memleketter Dostastyǵyna qatysýshy memleketterdiń avtokólik quraldaryn jymqyrýǵa qarsy kúrestegi jáne olardy qaıtarýdy qamtamasyz etýdegi yntymaqtastyǵy týraly kelisimge ózgerister engizý týraly hattamany ratıfıkasııalaý týraly» Zańy qabyldandy.
«Hattama Táýelsiz Memleketter Dostastyǵy aýmaǵynda urlanǵan avtokólik ıeleriniń quqyqtaryn qorǵaýdy qamtamasyz etýge, qylmystyq qolsuǵýshylyqqa qarsy is-qymyl júıesin jetildirýge baǵyttalǵan. Ishki ister mınıstrliginiń aqparatyna sáıkes, sońǵy 15 jylda elimizde 40 303 avtokólik urlanǵan, onyń ishinde 26 079-y (64,7%) tabylyp, ıelerine qaıtarylǵan, 14 224-i (35,2%) tabylmaǵan. Urlanǵan avtokólikterdiń 223-i TMD elderinde tabylyp, onyń 66-sy elimizge qaıtarylǵan (29,5%). Sondaı-aq, bizdiń elimizde osyndaı 233 avtokólik tabylyp, 84-i (36%) TMD elderine qaıtaryldy», dedi senator.
Onyń aıtýynsha, 2020 jyly elde urlanǵan 2121 kóliktiń ishinen 547 urlyq jáne aıdap ketý faktileri boıynsha qylmystyq esepke qoıyldy, 412-si ıelerine qaıtaryldy, al qalǵan 1162-si qarjy pıramıdalary jáne alaıaqtyq boıynsha tergelip jatqan qylmystyq ister aıasynda esepke qoıyldy («Garant 24 Lombard», «EЅTATE Lombard» jáne «tıimdi qaryz berý»). Osy ister boıynsha barlyq avtokólikter sot sheshiminen keıin qylmystyq esepten shyǵarylady.
