«Byltyrǵy jaǵdaı taǵy da qaıtalana ma dep qorqamyz. Qazirgi ýaqytta KVI kórsetkishi bárimizdi alańdatyp otyr. Qazir naýqastar aýyr jáne óte múshkil halde aýrýhanalarǵa túsip jatyr. 18 naýryz kúni qala boıynsha koronavırýs ınfeksııasyn juqtyrǵan 307 jaǵdaı anyqtaldy», deıdi kópsalaly medısınalyq ortalyqtyń ınfeksııalyq blogynyń dárigeri.
Dárigerdiń aıtýynsha IVL apparattarda jatqan naýqastar sany kúrt artypty.
Jansaqtaý bólimine táýligine jańadan 5 naýqas jatqyzylady. Ásirese, arterııalyq gıpertenzııasy, qant dıabeti, júrektiń ıshemııalyq aýrýy bar egde jáne kári jastaǵy adamdar úshin koronavırýs óte aýyr ótedi, deıdi S. Atyǵaeva.
«О́tken jazdaǵy jaǵdaı qaıtalanbas úshin, sondaı-aq ólimge ákeletin óte aýyr jaǵdaılardyń aldyn alý úshin turǵyndarǵa sanıtarlyq sharalardyń bárin saqtaýdy usynamyz. Kún saıyn sizder men bizdiń amandyǵymyz úshin jumys isteımiz. Biraq jaǵdaıdy dárigerlerdiń kómegimen ǵana retteý múmkin emes. Árkimniń jaýapkershiligi mańyzdy ról atqarady», dedi elorda dárigeri.
Nur-Sultan qalasy dárigerleriniń aıtýynsha ınfeksııa juqtyratyndar sany ásirese mereke kúnderinen keıin kúrt artady. Adam kóp jınalatyn oryndarda sanıtarlyq normalar saqtalmaýynan naýqastar sany aıtarlyqtaı kóbeıedi. Qala turǵyndary úshin bul baıqalmaýy múmkin, biraq dárigerler jaǵdaıdyń kúrt nasharlaǵanyn kórip otyr.
Aıta keteıik, qatań sanıtarlyq normalar men maska rejımi mindetti túrde saqtalýy tıis.
