Alqaly jıynǵa Halyqaralyq Túrki akademııasynyń prezıdenti Darhan Qydyráli, «Qazınform» halyqaralyq aqparat agenttiginiń Basqarma tóraǵasy Asqar Omarov, «Habar agenttigi» AQ Basqarma tóraǵasynyń birinshi orynbasary Rınat Kertaev, «Balapan» telearnasynyń dırektory Maqpal Jumabaı, «Qazaq radıolary» JShS Bas dırektory Ernur Býrahan, «Elorda Aqparat» JShS dırektory Erjan Júnisov, «Qazaqstan» RTRK» AQ Aqparattyq-saraptamalyq baǵdarlamalar dıreksııasynyń dırektory Jalǵas Sádibekuly, «Túrkistan» gazetiniń bas redaktory Qýat Áýesbaı, «Qazaqstan tarıhı» portalynyń bas redaktory Altynbek Qumyrzaq, «Ádebıet» portalynyń bas redaktory Nurlan Qabdaı, sondaı-aq tanymal BAQ ókilderi qatysty.
Túrki mýzeıinde ótken kezdesý barysynda akademııa basshysy Darhan Qydyráli uıymnyń atqaryp jatqan jumystary týraly aıtyp, bıyl qolǵa alynǵan jospardyń júzege asý barysymen tanystyrdy.
Sonymen qatar birqatar BAQ basshysy men ókiline Túrki áleminiń aqparat salasyna qosqan úlesi úshin arnaıy marapattar men alǵys hattar tabystaldy.
Basqosýǵa qatysýshylar baıyrǵy túrkilerdiń Ulystyń Uly kúninde tós soǵý dástúrimen tanysyp, qoldaryna bolat balǵa alyp, shoıyn tósti soǵyp atalǵan rásimdi atqarýǵa qatysty.
Jıynǵa qatysýshylarǵa túrki akademııasy shyǵarǵan «Tıýrkskıı mır. Istorıko-kýltýrnyı Atlas» atty biregeı basylym tartý etildi.
