Atyraýlyqtardy oblys ákimi Mahambet Dosmuhambetov onlaın rejımde quttyqtady.
«Naýryz meıramy ulttyq kúntizbemiz boıynsha jyldyń basy sanalady. Bıyl el Táýelsizdigi men 22 naýryzdy «Naýryz meıramy» dep jarııalaý týraly Prezıdent Jarlyǵyna qol qoıylǵanyna 30 jyl tolǵanyn aıryqsha atap ótken jón. Sondyqtan, Ulystyń uly kúni táýelsizdigimizben birge qaıta jandanyp, halyqtyń asyǵa kútetin meıramyna aınaldy. Bul mereke san ult ókilderin birlik-berekege bastaıtyn jalpyhalyqtyq merekege aınalyp úlgerdi» dedi oblys ákimi.
Budan soń shyǵarmashylyq ujymdar konserttik baǵdarlamasyn usyndy. Merekelik is-sharaǵa Jylyoı, Isataı, Inder aýdandarynan bıshiler men ánshiler keldi. «Kórisý, «Naýryz-kóje», «Bıdaı kóje», «Bata»qoıylymdary, «Shashý», «Monshaq», «Kóktem valsi», «Qýanysh bıi» horeografııalyq kompozısııalary kórsetildi. Al, solıster Muratbek Jumashev, Idirbaı Baıbaqty,Raıymbek Baqytjan lırıkalyq ánderdi oryndady.
