Memleket basshylary saýda-ekonomıkalyq jáne áskerı-tehnıkalyq yntymaqtastyqtyń qazirgi ahýalyna, sondaı-aq, Qazaqstanda sıfrlyq platforma qurý týraly qol jetkizilgen ýaǵdalastyqqa joǵary baǵa berdi.
Qazaqstan Prezıdenti ushaq qurastyrý, avtokólik jasaý, hımııa ındýstrııasy salalaryndaǵy birlesken jobalarǵa kóńili tolatynyn jetkizdi. Onyń pikirinshe, bıylǵy sáýir aıynda Qazan qalasynda eki memlekettiń úkimetteri arasynda qol qoıylatyn 2021-2025 jyldarǵa arnalǵan ekonomıkalyq yntymaqtastyqtyń keshendi baǵdarlamasynyń mańyzy zor bolmaq.
Vladımır Pýtın Reseı men Qazaqstan arasyndaǵy saýda-ekonomıkalyq, áskerı-tehnıkalyq jáne sıfrlyq salalar boıynsha baılanystardy nyǵaıtýdyń mańyzdy ekenin atap ótti.
Áńgimelesý barysynda Qasym-Jomart Toqaev elimizge «Spýtnık V» vaksınasynyń qosymsha bóligin jetkizý jaıynda ótinish bildirdi.
Taraptar Eýrazııalyq ekonomıkalyq odaqtyń áleýetin odan ári arttyrýǵa qatysty ustanymdary sáıkes keletinin aıtyp, seriktestiktiń bul baǵytynda tyǵyz yqpaldasa jumys isteýge kelisti.
