Dúnıejúzilik azyq-túlik baǵdarlamasy (WFP) jáne Azyq-túlik jáne aýylsharýashylyq uıymy ((FAO) seısenbide jarııalaǵan BUU baıandamasynda «álemdik qaýymdastyq jaqyn arada shara qoldanbasa, 20-dan astam elde ashtyq kúsheıedi» delingen. Álemde qazirdiń ózinde 34 mıllıon adam ashtyq qursaýynda, olardyń ashtan ólip ketý qaýpi de joǵary.
«Bul jaǵdaı bizdiń kóz aldymyzda órbip jatyr. Saıası qaqtyǵystar, klımattyń ózgerýi men pandemııa saldary mıllıondaǵan adamnyń ash qalýyna sebep bolýy múmkin», deıdi Dúnıejúzilik azyq-túlik baǵdarlamasynyń atqarýshy dırektory Devıd Bıslı. Jaǵdaı soǵystan kóz ashpaǵan Iemende, Ońtústik Sýdanda jáne Nıgerııanyń soltústiginde asa ýshyǵyp tur. Aýǵanstan, Sırııa, Lıvan jáne Gaıtı halqy da ashtyqtyń aldynda turýy múmkin. Sarapshylar bul úshin atalǵan elderge gýmanıtarlyq kómek berýdi qolǵa alý kerektigin aıtady.
«Bizge mıllıondaǵan adamdy aman alyp qalý úshin shuǵyl túrde úsh nárse kerek: soǵysty toqtatý, osal toptarǵa kómek kórsetý jáne osy jyly suraǵan 5,5 mıllıard dollar kóleminde kómek kólemin ulǵaıtý úshin donorlar qajet» dep tolyqtyrdy D.Bıslı.
