Qaz daýysty Qazybek bı – qazaq halqynyń XVII – XVIII ǵasyrlardaǵy uly úsh bıiniń biri, kórnekti qoǵam jáne memleket qaıratkeri, Qazaqstan tarıhynda ózindik orny bar tulǵa.
Qazybek bıdiń ómiri jankeshti ister men batyl sheshimderge toly boldy.
Ol reformator, sheshen, dıplomat-bitimger.
«Paraqorlyq pen ádiletsizdikti – qazaqtyń túbine jetetin aýyr dert. Ony tek taza nıet pen adal istermen jeńýge bolady», dedi ol.
Qazybek bı úshin adamgershilik eń joǵarǵy adamı qundylyq retinde birinshi orynda turdy. Mysaly «О́rkenim óssin deseń, kekshil bolma – kesapaty tıer elińe. Elim óssin deseń, órshil bolma – óskenińdi óshirersiń», «Ashý – dushpan, aqyl – dos, aqylyńa aqyl qos» dep aıtyp, ár qabyldanar sheshim men istiń tek bir adamnyń ǵana emes, tutastaı eldiń taǵdyryna áser etetinin jetkizgen.
Qazybek bı bir oq atpaı, artyq qantógissiz eń kúrdeli máselelerdi sheshe alǵan.
Eń myqty handar men qasarysqan jaýlar da onyń sózine qulaq asqan, óıtkeni Qazybek bı olardy sózi men danalyǵymen tań qaldyrǵan. Olardy júrekterine jetkizip aıta bilgen.
Ol sondaı-aq bytyrańqy qazaq rýlaryn biriktirip, beıbitshilik pen kelisimge shaqyrdy. О́zinen keıin halqy ómir súrgen ádil zańdar qaldyrdy. Tapqyrlyq, sheshendik, shynshyldyq – adaldyq sabaǵynda qozǵalǵan Qazybek bıdiń úsh qasıeti.
