«Búgingi keńesimizdiń ultymyz úshin qasıetti kúnderimen tuspa-tus kelýde de tegin emes dep oılaımyz. Halqymyz úshin jer - kásiptiń kózi. Sondyqtan da ol erekshe baǵaly uǵym. «Jer - yrystyń kindigi, eńbek - yrystyń qazyǵy, birlik - yrystyń tizgini» dep babalarymyz tegin aıtpaǵan. Osynda aıtylǵan oıdyń bul da bir búgin naqty dáleli dep aıtýǵa tolyqtaı negiz bar», dedi Premer-Mınıstrdiń orynbasary.
2016 jyly aýyl sharýashylyǵy jerlerin qazaqstandyqtarǵa jekemenshikke, sheteldikterge, sheteldik zańdy tulǵalarǵa jáne sheteldik úlesi bar qazaqstandyq zańdy tulǵalarǵa jalǵa berýge moratorıı engizilgen.
«25 aqpanda ótken Ulttyq qoǵamdyq senim keńesiniń 5-otyrysynda QR Prezıdenti Qasym-Jomart Toqaev aýyl sharýashylyǵy jerlerin sheteldikterge jáne sheteldik kompanııalarǵa, azamattyǵy joq adamdarǵa, halyqaralyq qatysýy bar ǵylymı ortalyqtarǵa, sondaı-aq qandastarǵa berýge tolyqtaı tyıym salý týraly saıası sheshimin jarııalady. Bul boıynsha zań jobasy 12 naýryzda Parlamentke engizildi. Memleket basshysynyń tapsyrmasyna sáıkes, jer zańnamalaryn jetildirý maqsatynda Premer-Mınıstrdiń ókimimen jer reformasy jónindegi komıssııa quryldy», dedi ol.
Úkimet basshysynyń aıtýynsha, komıssııa quramyna aýyl sharýashylyǵy salasyndaǵy qaýymdastyqtar men birlestikterdiń ókilderi, agrobıznestegi bedeldi azamattar, sonymen qatar QR Parlamenti depýtattary, jergilikti atqarýshy organdar ókilderi, ulttyq qoǵamdyq senim keńesiniń músheleri, «Atameken» UKP ókilderi, qoǵam qaıratkerleri, saıasatkerler, jýrnalıster enip otyr. Komıssııa 80 adamnan turady. Onyń 60 paıyzy azamattyq oǵam ókilderi jáne táýelsiz sarapshylar.
«Komıssııanyń aldynda aýyl sharýashylyǵy maqsatyndaǵy jer qatynastary salasyn damytý máselesi boıynsha usynymdy ázirleý mindeti tur. Sondyqtan el basshylyǵy, búkil elimiz, ásirese kásibi jermen tikeleı baılanysty aýyl sharýashylyǵy ónimderin óndirýshiler kútip otyrǵanyn eskerip, aqyldasyp, naqty sheshim qabyldaıtyndyǵymyzǵa kúmin joq», dedi Eraly Toǵjanov.
