Oblystyq sanıtarııalyq-epıdemıologııalyq baqylaý departamentiniń málimetinshe, Atyraý qalasynda qaýipti vırýsqa shaldyqqan 32 adam tirkelgen. Teńiz kenishinde 21 jumysshy, Inder aýdanynda 1, Mahambet aýdanynda 1 adamnan koronavırýs ınfeksııasy anyqtalǵan.
«Covid-19 ınfeksııasy 21 naýqasta sımptomdy túrde ótýde. Sońǵy málimetke sáıkes, ótken táýlikte koronavırýs ınfeksııasynan 30 adam emdelip shyqty. Qazir 240 adam úı jaǵdaıynda emdelýde. Oblystyq ınfeksııalyq stasıonarda 27, modýldik stasıonarda 85, al aýdandardaǵy stasıonarlarda 18 adam em qabyldap jatyr. Teńiz kenishindegi ınfeksııalyq stasıonarda 262 pasıent oqshaýlandy» dep habarlady departamenttiń baspasóz qyzmetinen.
Eske sala ketelik, budan buryn Teńiz kenishindegi 36 jumysshydan koronavırýs anyqtalǵan bolatyn.
