Degenmen, megapolıste indettiń órshýine, vaksınasııaǵa baılanysty, alyp-qashty áńgime jetkilikti bolǵandyqtan, Almaty qalasy qoǵamdyq densaýlyq Basqarmasynyń ókili, telemedısına Ortalyǵynyń dırektory Laýra Myrzaǵalı BAQ ókilderiniń birqatar saýaldaryna jaýap berip, daqpyrt sózderdi seıiltýge umtyldy.
Sońǵy táýliktegi, ıaǵnı 25 naýryzdaǵy tańǵy málimetterge sáıkes, Almatyda KVI juqtyrǵan 2246 syrqat emdelip jatyr. Bul iske 15 medısınalyq mekeme jumyldyrylǵan. Al jansaqtaý bólimderinde 118 naýqas jatsa, onyń ishinde 10 adamnyń jaǵdaıy óte aýyr deýge bolady. Jáne bul syrqattardyń barlyǵy derlik jasy 70-ten asqan úlken kisiler. Sol sııaqty sońǵy táýlikte qala aýrýhanalaryna KVI juqtyrǵan 238 adam kelip túsken, bul azdap bolsa da indettiń báseńsigenin baıqatady. Dál mereke, ıaǵnı 22 naýryzda syrqattanǵandar sany 410 adamǵa jetken bolatyn.
– Al indetten kóz jumǵan 11 adamǵa keletin bolsaq, olardyń jasy 70, 80, 90 jastan asqan kisiler. О́kinishke oraı, keıbir adamdar ózderiniń densaýlyqtaryna sonshalyqty salǵyrt qaraıdy. Aýrýy asqynyp, ábden dármeni qalmaǵan kezde ǵana dárigerge júginedi, deıdi Laýra Myrzaǵalı.
