«24 naýryzda áleýmettik jelilerdi monıtorıngileý kezinde kolesa_pavlodar paraqshasynda poıyz mashınısiniń shuǵyl toqtaýǵa týra kelgeni týraly vıdeo jarııalandy. Sebebi temirjolda avtokólik turǵan. Atalǵan fakti boıynsha tekserý júrgizildi. Nátıjesinde polıseıler Sharbaqty aýdany Alekseevka aýylynyń ótkelinde 544 km temirjol boıynda «Toyota Camri» avtokóliginiń júrgizýshisi jol júrý erejelerin óreskel buzyp, baǵdarshamnyń tyıym salatyn sıgnalyn eskermegenin anyqtady. Júrgizýshi júrip úlgeremin dep oılaǵan, alaıda dál sol jerde kólik toqtap qalǵan», dedi Pavlodar oblystyq polısııa departamenti bastyǵynyń birinshi orynbasary Jasqaırat Qaıyrov.
Polısııada júrgizýshi anyqtalǵanyn, ol Sharbaqty aýdany aýylynyń 38 jastaǵy turǵyny bolyp shyqqanyn atap ótti. Temir jol ótpesi baǵdarshamynyń tyıym salynǵan belgisine ótý faktisi boıynsha júrgizýshige qatysty QR ÁQBtK-niń 607-baby 1-bóligine sáıkes ákimshilik is qozǵalyp, 10 AEK mólsherinde aıyppul salyndy.
