Sybaılas jemqorlyqqa qarsy qyzmettiń jetekshi halyqaralyq uıymdardyń birimen dıalogynyń negizgi taqyryby ADB qabyldaǵan parasattylyqty qalyptastyrý sharalary boldy. Spıker Shotlandııanyń Edınbýrg qalasynan baılanysqa shyqty.
Sońǵy 26 jyl ishinde ADB Qazaqstanǵa kólik jáne qarjy sektorlaryna, aýyl sharýashylyǵyna jáne jańartylatyn energııa kózderine ınvestısııalaý arqyly qarjylandyrýǵa, tehnıkalyq járdemdesýge jáne bilimdi qoldaýǵa kómekteskenin atap ótken jón.
Osylaısha, ADB Qazaqstanǵa jahandyq kólik jelilerine ıntegrasııalanýǵa, ınvestısııalar tartýǵa jáne jumys oryndaryn qurýǵa, aýyl sharýashylyǵynyń ónimdiligin arttyrýǵa, jańartylatyn energııa kózderin damytýǵa jáne klımattyń ózgerýimen kúresýge kómektesedi.
Suhbat barysynda Ch.Mambetova iskerlik etıka men parasattylyq qaǵıdattaryn buzatyn seriktesterge qatysty ADB qabyldap jatqan sharalar týraly aıtty. Osylaısha, ADB-nyń «adal emes» seriktesterine halyqaralyq kompanııanyń «qara tizimine»ený qaýpi tónedi.
Sonymen qatar, spıker Qazaqstan Respýblıkasynyń sybaılas jemqorlyqqa qarsy vedomstvosynyń sybaılas jemqorlyq deńgeıin tómendetý jónindegi qyzmetine qatysty pikir bildirdi.
«Biz Qazaqstannyń atynan Agenttiktińsybaılas jemqorlyqqa qarsy is-sharalardy halyqaralyq sahnada belsendi jáne tabysty túrde nasıhattaıtynyn jıi kórip otyrmyz. Shyn máninde, Ortalyq Azııanyń barlyq elderi arasynda Qazaqstan sybaılas jemqorlyqqa qarsy is-qımyl bóliginde óte belsendi jáne jyldam alǵa basýda. Osy turǵydan alǵanda, basqa elder sizderdiń tájirıbelerińizden úırene alady», dep atap ótti spıker.
