Eko park qurý jobasyna uıytqy bolyp júrgen ECO FUND Tabigat bolyp tabylady. Kógaldandyrý jumystary Qazaqstannyń kógaldandyrý qaýymdastyǵymen birlesýmen jáne Jasyl ekonomıka basqarmasynyń, Alataý aýdany ákimdiginiń, sondaı-aq bıznestiń qoldaýymen júrgizildi.
«Qaraǵaıly orman» Eko parkin damytý jobasy 2020 jyldyń qańtarynda qaladaǵy kógaldandyrý isine nemquraıly qaramaıtyn turǵyndardyń qatysýymen alǵashqy 33 qaraǵaı aǵashyn otyrǵyzýdan bastalǵan bolatyn.
О́tken jyly osy jobaǵa tek qoǵam men eriktiler ǵana emes, bıznes pen joǵary oqý oryndary, sondaı-aq jergilikti atqarýshy organdar da nazar aýdardy. Búgingi tańda «Qaraǵaıly ormanda» 3 500-nan asa aǵash bar. Uıymdastyrýshylar birneshe jyldan keıin bir jyl buryn qoqys polıgony bolǵan jer shahardy ottegimen baıytatyn ný ormanǵa aınalady dep úmittenedi. Qazirdiń ózinde «Qaraǵaıly orman»qala úshin 197 tonna kómirqyshqyl gazyn sińirip, 120 tonnaǵa deıin shańdy ustap, qosymsha 219 tonna ottegi óndiredi.
Ekobelsendiler qala aýmaǵyn kógaldandyrýdyń ótkir máselelerine qanyq. Eko qorynyń jeke zertteýi qalamyzda jasyl jelekter DDU talap etken normalardan 4 esege az ekenin kórsetedi. «Biz sizdermen birge elimizdegi ekologııa ahýalynyń qalaı qalyptasyp otyrǵanyn burynnan bilemiz. Qala turǵyndary tóbemizde qalqyp turatyn tútindi kúndelikti kórip júr dep oılaımyn. Sondyqtan bizdiń Qor kógaldandyrý qajettigine barynsha nazardy aýdartýǵa kúsh-jiger jumsap, kópshilikti osy ıgi iske tartýǵa tyrysady. Biz bul jaǵdaıdy qarapaıym azamattardyń, bıliktiń jáne áleýmettik jaýapty bıznestiń birlesken kúshimen ǵana jaqsarta alamyz. Bizdiń ekologııamyzdyń qolaısyz jaǵdaıyn túzeý bir kúndik is emes, sondyqtan bizdiń aldymyzda júrgiziletin jumystardyń sany kóp jáne árıne, bizge qoldaý qajet bolady», dedi «Qaraǵaıly orman Almaty» jobasynyń bastamashysy, ECO FUND Tabigat tóraǵasy, QR kógaldandyrý qaýymdastyǵynyń tóraǵasy Tımýr Eleýsizov.
Búgin Eko parkte bizdiń otandyq tálimbaqta ósirilgen katalpa (sánaǵash) tuqymdy aǵashtardyń 300 tikpe kóshetteri otyrǵyzyldy. Qalalyq landshaftta jıi kezdesetin katalpa (sánaǵash) topyraqqa bapty kóp talap etpeıtindigimen jáne aıazǵa jaqsy tózimdi bolatyndyǵymen erekshelenedi. Eresek aǵashtyń ushar basynyń aýqymdy formasy aınalasyna úlken kóleńke beredi. Ekologııa jáne baý-baqsha salasyndaǵy sarapshylardyń aıtýynsha, aǵashtardyń osy túrin otyrǵyzý ótken jyldyń jeltoqsan aıynda otyrǵyzylǵan qaraǵaı kóshetteriniń belsendi ósýine qolaıly kóleńkeli jabyndy qamtamasyz etken eken. 2020 jyldyń jeltoqsanynda otyrǵyzylǵan 400-den astam kóshet 100% jaılanyp tur. Osylaısha, saıabaq óz kóshetteriniń sanymen josparlanǵan 35 myń aǵashqa jaqyndap keledi, Sondaı-aq, búginde katalpadan basqa, Jasyl ekonomıka basqarmasynyń qoldaýymen taǵy 1500 terek kóshetteri otyrǵyzyldy.
Búgingi aǵashtardy otyrǵyzý múmkindigin jobanyń turaqty dosy bolǵan «Ýchet.kz», tehnıka men elektronıkany satýda ońtústik óńirdiń kóshbasshysy «Evrika» kompanııalary belsendi túrde qoldady, sondaı-aq jaqsy iske «Lýkoıl» jáne «BAZIS-A» sekildi kompanııalar qosyldy. Oǵan qosa seriktesterdiń qoldaýymen «Shetsiz qala» jáne «Jasyl Almaty» baǵdarlamalary aıasynda ótken jyldyń basynda qala ákimi Baqytjan Saǵyntaevpen bólingen 78 Ga ýchaskege otyrǵyzý úshin katalpa kóshetteri satyp alyndy.
Jobanyń qosylǵandardyń barshasynyń maqsaty – Eko parkti qurý ǵana emes, sonymen birge, onyń sapasyn qoldaý jáne odan ári belsendi damytý bolyp tabylady. «Biz qalanyń jasyl qoryn damytý úshin jaǵdaı jasaýdyń asa qajetti ekenin túsingendikten biz bul jobany ótken jyly iske asyrýǵa qosyldyq. Kóshetterdi satyp alýǵa qosatyn bolmashy úlestiń is júzinde densaýlyǵymyz ben qalamyzdy jalpy jaqsartýǵa beretin paıdasy zor. Sondyqtan, biz úshin bir ret aǵash otyrǵyzý ǵana emes, olardyń atap aıtqanda, saıabaqtyń shynymen «ómir súrip, gúldenip jatqanyna» kóz jetkizý asa mańyzdy boldy», dedi «Evrika» kompanııasynyń kommersııalyq dırektory Danııar Sasykov. Búgin qatysýshylar aǵash otyrǵyzyp qana qoımaı, «Almatydaǵy Qaraǵaıly orman» aýmaǵynda qoqys jınaý senbiligin de uıymdastyrdy. О́tken jyly «Almatydaǵy qaraǵaıly ormanda» júrgizilgen aǵash otyrǵyzýdan basqa, Alataý aýdany ákimdigi tarapynan da joba basynda ýáde etilgendeı, kóshetterdi ýaqytyly sýarýdy qamtamasyz etý boıynsha jumystar júrgizildi.
