Brıtandyq QS kompanııasy júrgizgen aýdıt ýnıversıtetterdi tórt negizgi top boıynsha baǵalaıdy, onyń quramyna 50-den astam kórsetkishten turatyn 12 kishi top kiredi. Bul ýnıversıtet qyzmetiniń keń aýqymdylyǵyn jáne onyń joǵary halyqaralyq standarttarǵa sáıkestigin dáleldeıdi. Aýdıtke qatysatyn árbir kishi top boıynsha JOO-ǵa bir juldyzdan bes juldyzǵa deıin baǵa beriledi, odan keıin jalpy reıtıngtik ball shyǵarylady. Brıtandyq QS kompanııasynyń keshendi baǵalaý nátıjeleri boıynsha Ál-Farabı atyndaǵy Qazaq ulttyq ýnıversıteti birqatar kórsetkishke, atap aıtqanda, oqý prosesi; jumysqa ornalasý múmkindigi; zertteýler; ınternasıonaldandyrý; qyzmet kórsetý; óner jáne mádenıet; ınnovasııa; zamanaýı tilder boıynsha joǵary ball alyp, eń joǵary «Bes juldyz» marapatyna ıe boldy.
QS «Bes juldyz» belgisin ıelený Ál-Farabı atyndaǵy QazUÝ-dyń ǵylymı-bilim berý salasyndaǵy halyqaralyq qaýymdastyqtardaǵy bedelin jáne jahandyq ǵylymı-bilim berý keńistiginde kóshbasshylyq pozısııasyn kórsetip otyr. Basymdylyq juldyzdary ýnıversıtettiń myqty tustary men artyqshylyqtaryna nazar aýdartyp, onyń seriktesterine, bilim berý salasyndaǵy halyqaralyq sarapshylarǵa, sheteldik, sondaı-aq otandyq talapkerlerge oqýǵa túsý úshin JOO tańdaý kezinde baǵdar beredi.
QS «Bes juldyz» marapatyn alǵan QazUÝ óziniń bilim berý baǵdarlamalary men zertteýlerin ilgeriletýdiń, básekege qabilettilikti arttyrýdyń taǵy bir quralyna qol jetkizdi. QS Stars «Bes juldyz» marapaty búkil álem boıynsha tek 62 JOO-ǵa ǵana berilgen, onyń ishinde QS WUR halyqaralyq jahandyq reıtınginiń álemdik úzdik top-5, top-10 jáne top-20 qataryna kiretin Garvard, Oksford, Kembrıdj, Chıkago, Prınston, Kolýmbııa ýnıversıtetteri bar.
ALMATY
