IFFHS túzgen reıtıng boıynsha jańa ǵasyrdyń ekinshi onjyldyǵynda Ispanııanyń «Barselona» klýby úzdik atandy. Ekinshi oryndy Ispanııanyń taǵy bir komandasy – «Real» ıelendi. Reıtıngtegi úzdik úshtikti ótken jylǵy Chempıondar lıgasynyń jeńimpazy «Bavarııa» (Germanııa) túıindedi. Sonymen qatar úzdik 10 klýbtyń qatarynda PSJ (Fransııa), «Atletıko Madrıd» (Ispanııa), «Iýventýs» (Italııa), «Chelsı», «Manchester Sıtı», «Manchester Iýnaıted» jáne «Arsenal» (bári – Anglııa) komandalary bar.
TMD elderi arasyndaǵy komandalar boıynsha eń úzdik nátıje Ýkraına klýbtaryna tıesili. Máselen, Doneskiniń «Shahteri» reıtıngte 27-orynda bolsa, Kıevtiń «Dınamosy» 34-satyda tur. Reseıdiń «Zenıt» klýby 42-shi, «Krasnodar» 96-shy jáne SSKA komandasy 105-orynǵa ıe boldy.
Al Qazaqstannyń alty dúrkin chempıony, Chempıondar lıgasy men Eýropa lıgasynyń toptyq kezeńinde óner kórsetken «Astana» reıtıngte Shvesııanyń «Malme» komandasymen sońǵy 139-oryndardy bólisip tur. Reıtıngti qurý kezinde 2011 jylǵy qańtar men 2020 jylǵy jeltoqsan aralyǵyndaǵy resmı jarystarda klýbtardyń jetistikteri eskerilgenin atap ótken jón.
