Máselen, bıyl reseılik ınvestorlar munaıly óńirde 3,6 mlrd teńgeniń eki ınvestısııalyq jobasyn iske asyrýdy qolǵa alǵaly otyr. Kórshi elden munaıly óńirge aýqymdy ınvestısııa salýǵa nıet etken ınvestor – «ÝltraStab» JShQ-nyń dırektory Oleg Kostylevtiń málimetinshe, qazir ınvestısııalyq jobanyń birinshi kezeńi úshin shetelden eki stanok satyp alynypty. Endi óndiristik jabdyqtarǵa tapsyrys berilipti. Jobanyń tehnıkalyq-ekonomıkalyq negizdemesi daıyn tur.
– Jylyna 3 mln sharshy metr geosıntetıka shyǵarý sehynda 38 adamdy turaqty jumyspen qamtý kózdeledi. Al ekstrýzıondyq geosıntetıka sehyna 44 adam turaqty jumysqa ornalasady. Onyń qýaty jylyna – 5 mln sharshy metr. Bul sehtar bıylǵy jyldyń sońyna deıin iske qosylyp, ónim shyǵara bastaıdy, deıdi O.Kostylev. – Atalǵan jobalarǵa qajetti shıkizat ázirge shetelden tasymaldanady. Keıin shıkizat Atyraýdaǵy KPI kompanııasy iske asyryp jatqan ıntegrasııalanǵan gaz-hımııa kesheninen alynady.
Reseılik kompanııanyń ınvestısııalyq jobasynda qurylysqa qajetti san túrli ónimdi shyǵarý kózdelip otyr. Onyń ishinde avtokólik pen temir jol qurylysyna, ónerkásiptik qaldyqtardy saqtaý men jaǵalaýdy bekitýge qoldanylatyn materıaldar bar.
Atyraý oblysy
