Erteń Qorqyt Ata atyndaǵy Qyzylorda ýnıversıtetiniń «Stýdentter saraıynda» ǵylymı-tanymdyq konferensııa uıymdastyrylady. Al 27 naýryzda Qarmaqshy aýdanyndaǵy Turmaǵambet aýylynda «Sálıma ana» kesenesinde quran baǵyshtalyp, arnaıy as beriledi.
– Osy kúnderi oblys ortalyǵynda batyr ana turǵan úıde memorıaldyq taqta ornatylady. Sondaı-aq, úıi «Sálıma ana» atty qoǵamdyq mýzeıge aınalyp, onda arhıvtik qujattar men nagradalary, foto sýretteri men jeke zattary qoıylady, – dedi oblystyq mádenıet, arhıvter jáne qujattama basqarmasynyń basshysy Mıra Ábýova.
Eńbek eriniń týǵanyna 85 jyl tolýyna oraı stýdentter arasynda Sálıma Jumabekqyzynyń murajaıyn sıfrlandyrýǵa arnalǵan konkýrs ótkiziledi. IT salasyna qyzyǵatyn jastar qatysatyn konkýrs úzdigine Sálıma Jumabekqyzynyń urpaqtary atynan 150 myń teńge qarjylaı syıaqy beriletin bolady.
–Batyr ananyń 85 jyldyq mereıtoıyna arnap túrli deńgeıde tanymdyq-shyǵarmashylyq baǵyttaǵy sharalar ótkizýdi josparlap otyrmyz. Iаǵnı, 29 naýryz kúni oblys boıynsha tulǵanyń ónegeli ómirin nasıhattaıtyn biryńǵaı synyp saǵattary ótse, 30 naýryzda «Sálıma Jumabekova – ǵasyrdyń batyr anasy» taqyrybynda oqýshylar arasynda esseden baıqaý uıymdastyrylady, – dedi oblystyq bilim basqarmasynyń basshysy Aqzıra Qasymova.
