Benno Noımardyń ata-anasy osy jyldyń basynda iz-tússiz joǵalǵan. Birneshe aptadan keıin anasynyń denesi ózennen tabyldy. Onyń denesinde tunshyqtyrý izderi bary belgili boldy. Izdeý amaldary barysynda sol ózenniń kópirinen ákesiniń qan izderi tabylǵan.
29 qańtarda jergilikti polısııa kúdiktini tutqyndaıdy. Alǵashynda bodıbılder óz qylmysyn moıyndamaǵan. Alaıda keıinirek aıǵaq-dálelder kóbeıe bastaǵan soń qylmysyn moıyndaýǵa týra kelipti.
Belgili bolǵandaı, 30 jastaǵy jigittiń ata-anasy odan ıtin serýendeýge alyp shyǵýyn suraǵan. Biraq ol bul ótinishten bas tartyp, vıdeo oıyn oınap, keıin uıyqtap qalady. Tilin almaǵan balasyna ashýlanǵan ákesi balasyn uıqydan oıatyp, urys sońy qylmysqa ulasqan. Benno Noımar jaı ǵana tynyshtyqty qalaǵanyn, ata-anasyn sol sebepti óltirgenin aıtady.
