«Qala 17 kúnnen beri epıdemıologııalyq jaǵdaıdy baǵalaý matrısasy boıynsha «qyzyl aımaqta» ornalasqan. Kúnine 150-den 280-ge deıin jaǵdaı tirkeledi. Sońǵy aptada syrqattanýshylyq deńgeıi aldyńǵy aptadan 21%-ǵa joǵary, 100 myń turǵynǵa shaqqandaǵy qarqyndy kórsetkish — 129,6 qurady. Reprodýktıvti sany — 0,99», dedi Beısenova.
Sanıtarlyq dárigerdiń málimetinshe, 2021 jyldyń basynan beri qala boıynsha syrqattanǵandar sany 10 myńnan asty, pandemııa bastalǵaly 28 756 jaǵdaı tirkeldi (onyń ishinde 18 285 — sımptomatıkalyq jáne 10471 — sımptomsyz).
Aqpan aıynda syrqattanýshylyq dınamıkasy qańtarmen salystyrǵanda 25%-ǵa tómendegeni baıqaldy. Alaıda, sońǵy alty aıdaǵy eń joǵary kórsetkish — qańtar aıynda oryn alǵan joǵary deńgeıdiń qaıtalanyp otyrǵany baıqalady.
«Osy merekelik aptada naýqastarmen baılanysta bolǵandar sany 10%-ǵa ósti, ıaǵnı 500-den 735 adamǵa deıin, bul qala turǵyndarynyń karantındik sharalardy, onyń ishinde úı karantın rejımin saqtamaǵanyn kórsetedi. Sonymen qatar, ótken aptamen salystyrǵanda balalar arasynda aýrýdyń 5%-ǵa, ıaǵnı 210-nan 339-ǵa deıin ósýi baıqalady», dep atap ótti elordanyń bas sanıtarlyq dárigeri.
Qazirgi ýaqytta belsendi oshaqtar sany – 1 512, onyń ishinde: úı – 976, uıymdastyrylǵan – 536, onda 3361 baılanysta bolǵan adam medısınalyq baqylaýda.
Elordada qalyptasqan epıdemıologııalyq jaǵdaıǵa baılanysty qala turǵyndary men qonaqtary karantındik shekteýler men sanıtarlyq normalardy qatań saqtaýy kerek.
