Aǵymdaǵy jylǵy 3 naýryzdan bastap azamattyq qorǵaýdyń memlekettik júıesiniń oblystyq aýmaqtyq kishi júıesi kúndelikti qyzmet rejıminen erekshe ókimge deıin joǵary daıyndyq rejımine aýystyryldy (oblys ákiminiń 2021 jylǵy 2 naýryzdaǵy № 35-ó ókimi). Sý tasqyny jaǵdaıyn baqylaý, basqarý organdarynyń is-qımylyn úılestirý úshin Departament bazasynda múddeli azamattyq qorǵaý qyzmetterin tarta otyra, oblystyq sý tasqynyna qarsy Shtab óristetiletin bolady.
Aǵymdaǵy jyldyń aqpan aıynda tótenshe jaǵdaılardy aldyn alý jáne joıý boıynsha oblystyq komıssııanyń otyrysy ótkizildi, onda qalalar men aýdandardyń ákimderine, mekemeler men uıymdardyń basshylaryna sý tasqyny kezeńinde sý sharýashylyǵy qurylystarynyń bógetteri men toǵandarynyń jaı-kúıine komıssııalyq tekserý uıymdastyrý, sý ótkizý qurylystaryn, avtomobıl joldaryn, ǵımarattar men qurylystardyń shatyrlaryn qardan tazartý boıynsha is-sharalardy júrgizý qajettiligi týraly usynymdar berildi. Sondaı-aq, sý tasqyny kezeńinde gıdrotehnıkalyq qurylystary bar sý qoımalarynda, sondaı-aq toǵandar men bógetterde táýlik boıy kezekshilik etetin baqylaý beketteri qoıylady.
Osy is-sharalardy oryndaý sheńberinde taýarlar men qyzmetterdi memlekettik satyp alý boıynsha konkýrstar ótkizildi. Jetkizýshilermen sharttar jasaldy, bul sý tasqyny jaǵdaıyna áýe barlaýyn júrgizýge daıyndyqty qamtamasyz etedi. О́ńirdiń sý aıdyndarynda muzdy qopsytý boıynsha jarylys jumystary júrgizilýde.
Tabıǵı jáne tehnogendik sıpattaǵy tótenshe jaǵdaılardy erte anyqtaýdyń ǵaryshtyq monıtorıngi tehnologııalaryn paıdalaný maqsatynda «Qazaqstan Ǵarysh Sapary» UK AQ shart jasaldy. Qazirgi ýaqytta aldaǵy sý tasqyny boıynsha aqparat Qostanaı oblysynyń Tótenshe jaǵdaılar departamentine jáne basqa da múddeli mekemeler men vedomstvolarǵa kún saıyn kelip túsedi.
Sý tasqynyna qarsy is-sharalardy júrgizý barysynda qalalar men aýdan ortalyqtarynyń aýmaǵynan 1 mln. 100 myń tekshe metrden astam qar shyǵaryldy. Osy baǵyttaǵy jumystar jalǵasýda. Oblys ózenderiniń deńgeıi men qardyń erýine turaqty baqylaý júrgiziledi. Joǵarǵy-Tobyl, Qaratomar, Jelqýar, Joǵarǵy Shortandy sý qoımalarynyń tolymdylyǵy jáne olardyń tolyp ketýiniń aldyn alý jáne bógetterdiń buzylý qaýpin týdyrý maqsatynda tasqyn sýlardy ýaqtyly aǵyzý boıynsha sharalar qabyldaý erekshe baqylaýǵa alyndy.
Kóktemgi sý tasqyny kezeńinde Qostanaı oblysynyń aýmaǵynda táýlik boıy kezekshiligi bar 26 gıdrobekettiń jumysy uıymdastyrylady.
Sý tasqyny jaǵdaıy asqynǵan jaǵdaıda avarııalyq-qutqarý jáne kezek kúttirmeıtin jumystardy júrgizý úshin 2 960 adam,1 085 birlik tehnıka kúshi men quraldary daıyndaldy.
