О́nerkásiptik oblystyń ortalyǵynda ornalasqan ShQTÝ basshylyǵy fızıka-matematıka ǵylymdary boıynsha bazalyq daıyndyqty kúsheıtýdi maqsat etip otyr. Sonyń arqasynda tehnıkalyq ýnıversıtet tirek oqý ornyna aınala alady.
О́ńir ekonomıkasyn damytý úshin qoǵamǵa ǵylymı kadrlar kerek. Al jastardyń alańsyz ǵylymmen aınalysýy úshin joǵary oqý oryn qabyrǵasynda barynsha jaǵdaı jasalýy tıis. Jańadan ashylǵan fızıka ortalyǵynda birneshe oqý zerthanasy biriktirilgen. Atap aıtsaq, «mehanıka», «molekýlalyq fızıka jáne termodınamıka», «elektr jáne magnıtızm», «optıka», «atomdyq jáne ıadrolyq fızıka», sondaı-aq, «tehnıkalyq fızıka» baǵyttary boıynsha.
Fızıka ortalyǵy stýdentterdiń sıfrlyq jobalaý daǵdylaryn qalyptastyrýǵa da múmkindik beredi.
Joǵary oqý ornynda stýdentterdiń onlaın túrde bilim alýlaryna da barynsha jaǵdaı jasalǵan. Mysaly, bilim alýshylarǵa arnalǵan bilim berý portalynda EKTU-LAB paraqshasy bar. Munda stýdentter onlaın rejımde fızıka boıynsha zerthanalyq jumystardy oryndaı alady.
