Foto avtory: Maksım Zolotýhın
«Búgin Almatyda Densaýlyq saqtaý mınıstri Alekseı Soı, vıse-mınıstr Ajar Ǵınııat pen sanıtarlyq-epıdemıologııalyq baqylaý komıtetiniń tóraıymy Aıjan Esmaǵambetova bastaǵan respýblıkalyq Komıssııa músheleriniń qatysýymen koronavırýs ınfeksııasynyń taralýyna jol bermeý jónindegi qalalyq komıssııanyń shuǵyl keńeıtilgen otyrysy ótti.
Jıynda bıylǵy epıdemııalyq jaǵdaıǵa baılanysty máseleler talqylandy. Qala stasıonarlary men emhanalaryndaǵy pasıentter men personal aǵynynyń qozǵalysyn saqtaý, halyqqa medısınalyq kómek kórsetý, ınfeksııalyq baqylaý talabynyń saqtalýy turǵysynan birqatar medısınalyq uıymdardyń jumysy tekserildi. Sondaı-aq, qalanyń sanıtarlyq-epıdemıologııalyq qyzmetiniń qatysýymen jedel shtab ótkizildi.
Jalpy respýblıkalyq komıssııa músheleri qalada epıdemııaǵa qarsy qabyldanǵan sharalardy maquldady. Almatyda júzege asyrylǵan jumys algorıtmin, buryn bekitilgen aımaqtarǵa bólý josparlaryn iske asyrýdy jáne ınfeksııalyq qaýipsizdikti saqtaýdy, sondaı-aq úıdegi stasıonarlardaǵy adamdarǵa medısınalyq baqylaý júrgizý úshin Telemedısına ortalyǵyn paıdalaný qajettigin eskere otyryp, somatıkalyq medısınalyq uıymdardy kovıdtik baǵdarǵa aýystyrý shemasyn qoldady. Sonymen qatar, aldaǵy ýaqytta atqarylar jumystar boıynsha birqatar tapsyrmalar berildi.
Búginde Almaty qyzyl aımaqta tur. Bıyl megapolıste KVI-di juqtyrǵan 12 800 adam tirkeldi. Mýtasııaǵa túsken shtamnyń baryn eskere otyryp, indetti juqtyrýdyń joǵarǵy deńgeıi saqtalýda.
О́zgerister baıqalǵan aımaqtardy genomdyq retke keltirý nátıjeleri belgili boldy - brıtandyq jáne ońtústikafrıkalyq koronavırýs shtamdaryna tán mýtasııalar anyqtaldy.
Jańa shtamdardyń kontagıozy joǵary. Aldyńǵy bazalyq shtammen salystyrǵanda jańa shtammdardyń juqtyrý kórsetkishi 70%-ǵa deıin joǵary. Iаǵnı, bul ınfeksııa óte juqpaly. Mine, osy jaǵdaı megapolıste anyqtalǵan ınfeksııalardyń órshýine ákeldi.
Qalada qalyptasqan epıdemıologııalyq jaǵdaıdy eskersek, biz qala turǵyndarynyń nazaryn osy jaǵdaıǵa erekshe aýdarǵymyz keledi.
Qurmetti almatylyqtar jáne qala qonaqtary. Búginde ózińizdi KVI-den qorǵaýdyń jalǵyz joly – vaksınasııa. Sáýir aıynda biz vaksınalardyń jańa dozalaryn kútip otyrmyz. Sonymen qatar, Almatyda eki mıllıon turǵynnyń bar ekenin, sondaı-aq kóshi-qonnyń joǵary deńgeıin eskere otyryp, qazir jańa shtammdar aınalymy aıasynda barlyqtaryńyzdy da kovıdke qarsy sharalardy kúsheıtýge shaqyramyn. Betperde rejımi men áleýmettik qashyqty saqtap, qoǵamdyq oryndarǵa barmaýǵa, adam kóp jınalatyn jerden aýlaq bolýǵa shaqyramyn», delingen habarlamada.
