ǴABEŃ ǴIBRATY

Jýyrda Almaty qalalyq til­derdi damytý basqarmasy jáne Sábıt Muqanov pen Ǵabıt Músire­povtiń memlekettik ádebı-memo­rıaldyq mýzeı kesheni uıymdas­tyrýymen dástúrli “Ǵabıt oqý­larynyń” ashylýy boldy. Eń aldymen Ǵ.Músirepov atyn­daǵy Balalar men jastar teatry­nyń aldyndaǵy jazýshy eskertki­shine “Ǵabıt oqýlaryna” qatysý­shylar gúl shoqtaryn qoıyp, Ǵabeń rýhyna taǵzym etti. Dástúrli “Ǵabıt oqýlary” bıyl 1941-1945 jyldardaǵy ekin­shi dúnıejúzilik soǵystaǵy Jeńis­tiń 65 jyldyǵyna arnaldy. Qazaq ádebıetiniń klassıkteri, akademık-jazýshylar Ǵabıt Músirepov “Qazaq soldaty” romanymen, Sábıt Muqanov “Pravdanyń” tilshisi retinde maıdannyń alǵy shebinde bolyp, “Málik Ǵabdýl­lın”, “Mánshúk Mámetova”, t.b. ocherk kitapshalarymen, jaýyn­gerlermen jazysqan hattarymen bul taqyrypqa arnaıy qalam terbegen. “Soǵys jáne sýretker” atty shaǵyn kórme uıymdas­tyry­lyp, onyń ashylýy osy “Ǵabıt oqýlarynyń” aıasynda ótti. “Ǵabıt Músirepov pen zamandas jazýshylardyń shyǵar­ma­laryndaǵy patrıotızmniń, ult­tyq namystyń kórkemdik sheshim­deri” degen taqyrypta belgili maı­danger qalamger, Qazaqstan­nyń halyq jazýshysy, Memlekettik syılyqtyń laýreaty Ázilhan Nur­shaıyqovtyń áńgime-baıany tar­tym­dy da taǵylymdy boldy. Almaty qalalyq tilderdi damytý basqarmasynyń bastyǵy Mamaı Ahet jáne S.Muqanov pen Ǵ.Músi­re­povtiń memlekettik ádebı-me­mo­rıal­dyq mýzeı kesheniniń dırek­tory Ádilǵazy Qaıyrbekov bıyl tórtinshi ret ótkizilip otyrǵan “Ǵabıt oqýlarynyń” erekshelik­teri týraly oı bólisti. Halyqara­lyq “Alash” syılyǵynyń laýrea­ty Orazaqyn Asqar Ǵabeńe qatys­ty, “Qazaq batyryna” qatysty oı bólisip, jınalǵandardy tánti etti. Ǵ.Músirepovtiń jıeni Qanatbaı Bazarbaev zerger sýretker jaıly óz estelikterin bólisti. Respýblıkalyq bilim berý jú­ıe­siniń basshy jáne ǵylymı-peda­gogıkalyq kadrlar biliktiligin art­tyratyn ınstıtýttyń maman­dary (jetekshi – kabınet meńgerý­shisi Qarlyǵash Júnishanqyzy), óz tyń­­daýshylary – oblystyq, aý­dan­­dyq oqý bólimderiniń basshy­larymen kelip, óz sózderinde “Ǵa­bıt oqý­larynyń” jas urpaq tár­bıesindegi mańyzdylyǵyn atap ótti. Ǵ.Músirepov atyndaǵy №86 gımnazııanyń oqýshylary (jetek­shi – Tamara Qýanyshqyzy) da bul ıgi sharaǵa belsene at salysyp, óz ónerlerin ortaǵa saldy. “Ǵabıt oqýlaryna” qatysý­shylar arnaıy alǵys hattarmen marapattalyp, fotosýretke tústi, mýzeıdiń Tilek kitabyna óz qoltańbalaryn qaldyrdy. “Ǵabıt oqýlaryna” oraı 2010 jyldyń 21 sáýirinen 1 mamyrǵa deıin mýzeıdiń ashyq esik kúnderi jarııalandy. Janar TAEVA.