Fototuzaqty byltyr qarashada ormanshy Jomart Amanbaev, ınspektorlar Manarbek Omarov jáne Murat Arabaevtar Arshaty ormanshylyǵynyń aýmaǵyndaǵy 2300 metr bıiktiktegi barys júredi-aý degen tusqa ornatqan edi. Eńbekteri nátıjeli. Kózge kórine bermeıtin qar barysy kameranyń dál aldynan ótken.
– Fototuzaq arqyly ilbistiń Altaı taý silemderindegi tirshiligin zertteýge bolady. Aldaǵy ýaqytta budan da sátti kadrlar túsedi dep oılaımyz, – deıdi Katonqaraǵaı ulttyq parkiniń ǵylym, ekologııalyq monıtorıng jáne aqparat bóliminiń basshysy Álııa Ǵabdýlına.
Bile bilsek, sany azaıyp bara jatqan qar barysy Qazaqstannyń Qyzyl kitabyna engen.
