Kásipkerlik jáne ındýstrııalyq-ınnovasııalyq damý basqarmasy basshysynyń mindetin atqarýshy Qanysh Mámbetovtiń aıtýynsha, bıyl iske qosylýy josparlanǵan 11 ınvestısııalyq jobanyń jalpy quny shamamen 920,4 mlrd teńgeni quraıdy. Bul jobalarda 762 jumys orny ashý kózdelipti.
«Investısııalyq jobalardyń sheńberinde túıirshikti kúkirt óndirý, tamaq qaldyqtarynan organıkalyq tyńaıtqyshtar, beton jáne temir beton buıymdaryn shyǵarý kózdelip otyr. Sondaı-aq, gazhımııalyq keshen, qurǵaq qurylys qospalary, toqyma geotekstıl shyǵarý, munaı-gaz salasy úshin mashına jasaý zaýyty iske qosylady», deıdi Qanysh Mámbetov.
