Qol qoıylǵan qujatqa sáıkes elordanyń meıramhanalary, kafeleri, barlary jáne ashanalary jumys kúnderi tańǵy 7-den keshki 22-ge deıin jumys isteı alady. Demalys kúnderi kelýshilerdi qabyldaýǵa tyıym salynady.
«Qoǵamdyq tamaqtaný obektileriniń jumysyn (meıramhanalar, dámhanalar, barlar, ashanalar) ornalasqan jerine qaramastan, ǵımarattardyń ishinde toltyrylýy 50%-ǵa deıin, biraq 30 orynnan aspaıtyn sharttardy saqtaǵan jaǵdaıda, bir ústelde 4-6 adamnan aspaıtyn otyrý men kórshi ústelderdiń shetki oryndary arasynda keminde 2 metr áleýmettik qashyqtyqty saqtaı otyryp, kúsheıtilgen sanıtarııalyq-epıdemııaǵa qarsy, sanıtarııalyq-profılaktıkalyq is-sharalardy saqtaı otyryp, tamaqty jetkizý jáne shyǵarý qyzmetin qospaǵanda jumys kúnderi jumys kestesin saǵat 7:00-den 22:00-ge deıin jáne demalys kúnderi jumysyna tyıym salýmen uıymdastyrý», delingen elordanyń sanıtarlyq dárigeriniń qaýlysynda.
Bul rette ujymdyq, saltanatty, otbasylyq, estelik (banketter, úılený toılary, mereıtoılar, eske alý), merekelik korporatıvter men basqa da buqaralyq is-sharalardy uıymdastyrýǵa jáne ótkizýge qatań tyıym salynady.
Jańa qaýly 2021 jylǵy 30 naýryzda kúshine enedi.
Esterińizge sala keteıik, Nur-Sultan 10 naýryzdan bastap epıdemıologııalyq ahýaldy baǵalaý matrısasy boıynsha «qyzyl aımaqta» ornalasqan. Kún saıyn qalada koronavırýstyq ınfeksııanyń 300-den astam jańa jaǵdaıy anyqtalady. Elorda turǵyndary men qonaqtarynan KVI aýrýynyń ósýine jol bermeý úshin sanıtarlyq normalar men karantındik rejım talaptaryn qatań saqtaý talap etiledi.
