Senat komıtetiniń tóraǵasy Olga Perepechınanyń aıtýynsha, memleket halyqty qol jetimdi turǵyn úımen qamtamasyz etý máselelerin sheshýge baǵyttalǵan ári aıtarlyqtaı qarjy resýrstarymen qamtamasyz etilgen baǵdarlamalyq qujattardy ázirledi. Senatorlar osyǵan baılanysty turǵyn úı saıasatyn reformalaý máselelerin erekshe nazarda ustap keledi.
«2021 jyly «Otbasy banki» turǵyn úıge kiristeri boıynsha qol jetimdilik baspaldaǵyna sáıkes esepke alýdy, ornalastyrýdy jáne bólýdi júzege asyratyn tolyqqandy damý jáne qoldaý ınstıtýty bolady dep kútilýde», dedi Olga Perepechına.
«Otbasy Banki» Basqarmasynyń Tóraǵasy Lázzat Ibragımova banktiń jańartylǵan qyzmeti, onyń negizgi mindetteri jáne olardyń halyqqa beretin nesıeleri týraly aıtty. Onyń aıtýynsha, banktiń mindeti - turǵyn úı qurylys jınaq júıesine qol jetimdilikti qamtamasyz etý jáne turǵyn úı jaǵdaıyn jaqsartý úshin jeńildetilgen banktik qyzmetterdi usyný bolyp tabylady.
Otyrysta ındýstrııa jáne ınfraqurylymdy damytý mınıstriniń orynbasary Qaıyrbek О́skenbaev turǵyn úı qurylysyn yntalandyrý jónindegi qosymsha sharalar týraly aıtty. Olardyń qataryna: turǵyn úı satyp alýǵa qurylys salýshylarmen offeık kelisimsharttar jasasý, jeke qurylys salýshylarǵa jobalyq qarjylandyrý tetikterin engizý, aýyldyq jerlerde turǵyn úı salý shyǵyndarynyń bir bóligin jumys berýshiniń sýbsıdııalaýy jáne basqa máseleler bar. Sonymen qatar, mınıstrlik elimiz turǵyndarynyń óz zeınetaqy jınaqtaryn paıdalaný maqsattaryn keńeıtý týraly usynys jasady. Bul jerde aýylǵa kelgen mamandarǵa áleýmettik qoldaý kórsetý aıasynda bıýdjet nesıeleri boıynsha jumys berýshiniń qyzmetkerlerge turǵyn úı satyp alý jáne basqa da naqty maqsattar úshin bergen nesıeler boıynsha mindettemelerdi óteýi týraly aıtylyp otyr.
Kezdesý barysynda senatorlar turǵyn úı qurylysyndaǵy jaǵdaımen, sondaı-aq ony damytýdyń jańa baǵyttarymen egjeı-tegjeıli tanysty.
