Búgingi kúni Almaty qalasynyń azamattyq qorǵaý qyzmetteriniń kúshteri men quraldary (arnaıy tehnıka) jaýyn-shashyn bastalǵanǵa deıin jıi sý basatyn ýchaskelerge der kezinde jetkizildi, ınertti materıaldar ázirlendi.
"Almatydaǵy sý basyp qalý qaýpiniń aldyn alý qala qyzmetteriniń baqylaýynda", deıdi mamandar.
2021 jyldyń 29 naýryzy kúni saǵat 17.00-de sý basyp qalý jaǵdaıynyń 6 oqıǵasy tirkeldi. Tótenshelikterdiń shuǵyl áreketimen onyń 5-i qalpyna keltirildi:
1) Jetisý aýdany Borzov kóshesi sýdan tazardy. «Almaty Tazalyq» QKK qyzmetkerleri atalǵan ýchaskege 40 qap tósedi, jumys oıdaǵydaı aıaqtaldy;
2) Achınskıı kóshesi sýdan tazartyldy, munda «Almaty Tazalyq» QKK jumys (1 ılosos, 2 adam) jasady;
3) Alataý aýdany Mehanıka,212 kóshesi sýdan tazartyldy, «Almaty Tazalyq» QKK qyzmetkerleri atalǵan ýchaskede jumys jasaýda, aryq jelileri tazartylýda;
4) Túrksib aýdany Maılın kóshesi, 222 mekenjaıda kópqabaty úıdiń aýlasyna sý tolyp ketti, «Almaty Tazalyq» QKK jumys jasady, qazir aýla sýdan tazartyldy;
5) Jetisý aýdany Jangeldi kóshesi, 214 mekenjaıda jeke menshik úıdiń aýlasyn sý basyp qaldy, sýdy sorý úshin 100 qap tóseldi, munda 109 Qutqarý qyzmeti jumys jasaýda.
Qazirgi kezde Alataý aýdany Aralqum, 22 kóshesi sýdan tazartylýda, munda«Almaty sý» QKK-nyń «Ilosos» tehnıkasy jumys istep tur.
Atap óterlik jaıt,naýryz aıynda jaýyn-shashynnyń normasy 76 mm qurady, osy aıdyń basynan beri 86,2 mm jaýyn-shashyn boldy.
