Aǵymdaǵy jyldyń 1 aqpanynan bastap «Spýtnık V» vaksınasynyń eki komponentiniń 7700 dozasy kelip túsken. Oblystyq densaýlyq saqtaý basqarmasynyń málimetinshe, osy ýaqytqa deıin «Spýtnık V» vaksınasynyń 1 komponentimen 7700 adam ekpe alǵan. Onyń ishinde 4562 medısına qyzmetkeri, 1403 pedagog, 44 Ulttyq qaýipsizdik komıteti oblys boıynsha departamenti men oblystyq polısııa departamentiniń qyzmetkerleri, 18 stýdent, 1 áleýmettik mekeme qyzmetkeri, 11 memlekettik qyzmetshi, sondaı-aq, 1661 basqa da ekpe alýshylar bar.
Alǵashqy egýdi alǵan 7700 adamnyń 21 kúnnen keıin 1527-si «Spýtnık V» vaksınasynyń 2 komponentimen ekinshi egýdi alǵan. Onyń ishinde 1398 medısına qyzmetkeri, 77 pedagog jáne 52 basqa sala qyzmetkerleri bar. Málimet boıynsha, barlyq egilgenderde vaksınasııadan keıin reaksııalar men asqynýlar bolmaǵan. Sonymen qatar, aldaǵy ýaqytta vaksınasııa júrgizý –vaksınanyń aımaqqa túsýine baılanysty jalǵasady.
