A.Sultanovtyń aıtýynsha, Memleket basshysynyń tapsyrmasyna sáıkes, elimizde tıimdiligi joǵary daqyldar alqaptaryn ulǵaıtý jáne óndiristi ártaraptandyrý boıynsha jumys jalǵasýda. Bıyl maıly daqyldar alańy 3 mln gektardy quraıdy dep boljanýda, bul ótken jylǵy deńgeıden 63 myń gektarǵa artyq, jemshóp daqyldary – 3,4 mln gektar bolsa, kókónis-baqsha daqyldarynyń aýdany ótken jyldan 16 myń gektarǵa artyp, 280 myń gektardy quraıtyn bolady.
«О́ńirdegi qazirgi jaǵdaıda suranysqa ıe daqyldardy, atap aıtqanda, áleýmettik mańyzy bar taýarlardy óndirýge arnalǵan shıkizat, qant, qaraqumyq jarmasyn, kúnbaǵys maıyn jáne basqa da mańyzdy ónimderdi óndirýge basa nazar aýdarylady, jergilikti atqarýshy organdarǵa qaraqumyq alańyn buryn josparlanǵan 89 myń gektardyń ornyna 103 myń gektarǵa deıin, kartopty 197 myń gektardyń ornyna 209 myń gektarǵa deıin keńeıtý usynyldy. Bul eldi suranystyń artýy baıqalatyn ónimmen qamtamasyz etýge múmkindik beredi» dep habarlady departament dırektory.
Vedomstvo ókiliniń málimdeýinshe, bıylǵy egis naýqany barlyq qajetti resýrspen, atap aıtqanda, tuqymmen qamtamasyz etiledi. Búgingi tańda 2,4 mln tonna tuqym sebildi, bul jospardyń 100,2%-yn quraıdy. 2021 jyly tuqym sharýashylyǵyn qoldaýǵa 11,8 mlrd teńge bólindi, bul 82,1 myń tonna elıtalyq tuqym men 3,8 mln dana kóshet satyp alýdy qarjylandyrýǵa múmkindik beredi. Mıneraldyq tyńaıtqyshtar satyp alýdy sýbsıdııalaýǵa oblystardyń jergilikti bıýdjetterinde 26,1 mlrd teńge qarastyrylǵan.
Oblys ákimdikteriniń jedel aqparaty boıynsha, kóktemgi dala jumystaryn júrgizý úshin búginde respýblıka agrarshylaryna 117,6 myń tonna mıneraldy tyńaıtqysh jetkizilgen, jóneltý jumystary jalǵasýda. A.Sultanovtyń aıtýynsha, sýbsıdııalaýǵa ótinimderdi qabyldaý Almaty, Jambyl, Qostanaı jáne Túrkistan oblystarynda júrgizilýde, jaqyn arada Batys Qazaqstan jáne Soltústik Qazaqstan oblystarynda bastalady. Qalǵan óńirlerde sýbsıdııalar tizbeleri men normalaryn bekitý aıaqtalýǵa jaqyn. Úkimettiń selektorlyq otyrysynda Premer-Mınıstr ýákiletti mınıstrlikke atalǵan másele úshin bir apta merzim berdi. Sondyqtan basqa óńirler tyńaıtqyshtarǵa tıisti sýbsıdııalardy ala alady.
Aıta keteıik, pestısıdterdi sýbsıdııalaýǵa oblystardyń jergilikti bıýdjetterinde 30,6 mlrd teńge qarastyrylǵan, bul qolaıly fıtosanıtarııalyq jaǵdaıdy qamtamasyz etýge múmkindik beredi.
