Kórmeni «Mádenıet arqyly únqatysý» halyqaralyq jobasy aıasynda Elbasy kitaphanasy men Aýǵanstan Islam Respýblıkasynyń elshiligi birlesip uıymdastyryldy.
Aýǵan kallıgrammasy kallıgrafııanyń ajyramas bóligi bolyp tabylady. Ol – beıneleý óneriniń erekshe baǵyty, onyń eń úlken damýy musylman mádenıetinde baıqalady. Árbir kallıgramma belgili bir beıne men mazmundy biriktiredi. Sýretshiniń basty mindeti rýhanı álemdi beınelermen baılanystyryp, bul baılanysty týyndy betine túsirýde. Týyndylardyń tereń sımvolıkasy kallıgramma avtorynyń ıdeıasyn sezinýge múmkindik beredi.
«Aýǵan óneriniń syıy» kórmesinde Farıadı Mohammad Masýdtyń kóptegen jyldar boıy daıyndaǵan jumystary usynylady. Sýretshi kásibı jáne shyǵarmashylyq ómirin kallıgrafııa ónerine arnaǵan. Avtordyń jumystary Aýǵanstandaǵy, Irandaǵy, sondaı-aq Katar men Kýveıt ámirlerindegi kórmelerde kórsetilgen.
Farıadı Mohammad Masýd 1973 jyly Aýǵanstan astanasy Kabýlda dúnıege kelgen. Bala kezinen bastap sheber óz elinde de, shekaradan tys jerlerde de kóptegen marapattarǵa ıe boldy. Sýretshi Aqparat jáne mádenıet mınıstrliginiń, arab elderiniń prezıdentteri men bıleýshileriniń dıplomdarymen marapattalǵan.
«Aýǵan óneriniń syıy» kórmesi Elbasy kitaphanasy men Qazaqstan Respýblıkasyndaǵy Aýǵanstan Islam Respýblıkasy elshiligi arasyndaǵy yntymaqtastyqtyń alǵashqy is-sharasy bolyp tabylady. Kórmeniń Ramazan aıy qarsańynda ashylýy bul oqıǵanyń mánin tereńdete túsedi.
