Sondyqtan qalalyq mobıldilik basqarmasy, Kólik holdıngi men quqyq qorǵaý organdary qyzmetkerlerinen quralǵan monıtorıng toptary jolaýshylardyń sanıtarlyq erejelerdi ustanýyn tekserýde. Qalanyń barlyq marshrýttaryn kezekpen tekserý josparlanǵan.
Buǵan deıin qoǵamdyq kólikte tek Basqarma qyzmetkerleri reıd jumystaryn júrgizip, tek eskertý jasaı alatyn. Qazirgi monıtorıng toby sanıtarlyq erejelerdi buzǵandarǵa aıyppul salyp, shara qoldanýǵa quqyly.
Sonymen qatar, qalada jolaýshylardyń qaýipsizdigin qamtamasyz etý maqsatynda keshendi is-sharalar júzege asyrylyp jatyr. Jolaýshylar aǵymyna qaraı júktemesi joǵary 28 baǵyt boıynsha qosymsha avtobýstar shyǵarylyp, júrý ıntervaly qaıta qarastyryldy. Sońǵy aıaldamalarda avtobýs salondaryna dezınfeksııa jasalady. Sondaı-aq, avtobýstar men metroda maska taǵý qajettiligi týraly aqparattyq aýdıohabarlama jasalady. Júrgizýshilerge jumys ýaqytynda mindetti túrde maska taǵý, maskasyz jolaýshylardy salonǵa kirgizbeý jáne qajet bolǵan jaǵdaıda túsirip ketý týraly tapsyrma berildi. Kólik holdıngi qyzmetkerleri de karantın kezinde sanıtarlyq normalardy buzýshylarǵa eskertý jasap, avtobýstan túsirý týraly tapsyrma aldy.
Almatylyqtardyń qajettiligin tolyq óteý úshin qalaǵa myńǵa jýyq avtobýs qajet ekendigi málim. Bul baǵytta jumystar jalǵasyp jatyr. 2021 jyly kommýnaldyq avtoparkke 150 jańa gazben júretin avtobýs jetkizildi. Jolaýshylardyń suranysyna qaraı avtobýstardyń bir bóligi eski avtobýstardy jańalaýǵa jáne marshrýttardy kúsheıtýge, al bir bóligi jańa marshrýttar ashýǵa jiberildi. Jyldyń aıaǵyna deıin tasymaldaýshylar eki júzden asa avtobýs satyp alýdy josparlap otyr.
